சபரிமலை செல்லும் பக்தர்கள் வசதிக்காக சிறப்பு பேருந்துகள் இயக்கப்படும் – தமிழக போக்குவரத்து துறை அறிவிப்பு..

சபரிமலை செல்லும் பக்தர்கள் வசதிக்காக சிறப்பு பேருந்துகள் இயக்கப்படும் என தமிழ்நாடு போக்குவரத்துக்கழகம் அறிவித்துள்ளது.

இதுகுறித்து தமிழக போக்குவரத்து துறை சார்பில் வெளியிடப்பட்டுள்ள செய்திக்குறிப்பில் கூறிருப்பதாவது :

சபரிமலை செல்லும் பக்தர்கள் வசதிக்காக நவம்பர் 16 முதல் ஜனவரி 16 ஆம் தேதி வரை சென்னை, திருச்சி, மதுரையில் இருந்து பம்பைக்கு சிறப்பு பேருந்துகள் இயக்கப்படும்.

அல்டிரா டீலக்ஸ், குளிர்சாதனமில்லா இருக்கை மற்றும் படுக்கை வசதியுள்ள பேருந்துகள் இயக்கப்படும்; www.tnstc.in மற்றும் டி.என்.எஸ்.டி.சி. செயலி வாயிலாக முன்பதிவு செய்துகொள்ளலாம்.

30 நாட்களுக்கு முன் ஆன்லைனில் முன்பதிவு செய்யும் வசதி அறிமுகம் செய்யப்பட்டுள்ளது; பேருந்துகள் பற்றிய தகவல்களுக்கு 9445014452, 9445014424, 9445014463 மற்றும் 9445014416 எண்களைத் தொடர்பு கொள்ளலாம் .

இந்த சிறப்பு பேருந்து இயக்கத்தினை கண்காணிக்க போதிய அலுவலர்கள் நியமிக்கப்பட்டுள்ளதால் . பயணிகள் அனைவரும் மேற்கூறிய வசதியினை பயன்படுத்தி தங்களது பயணத்தினை மேற்கொள்ள அறிவுறுத்தப்பட்டுள்ளது என அரசு விரைவு போக்குவரத்து கழகம் வெளியிட்டுள்ள செய்திக்குறிப்பில் தெரிவிக்கப்பட்டுள்ளது