இந்திய கிரிக்கெட் அணியின் பௌலர் முகம்மது ஷமிக்கு அர்ஜுனா விருது வழங்கப்பட்டது!

நாட்டின் சிறந்த விளையாட்டு வீரர் – வீராங்கனைகளுக்கு வழங்கப்படும் இரண்டாவது மிகப் பெரிய விருது அர்ஜுனா விருது. கடந்த 4 ஆண்டுகளில் வீரர் – வீராங்கனைகள் வெளிப்படுத்திய ஆட்டத் திறமை, தலைமைப்பண்பு, ஒழுக்கம் ஆகியவற்றைக் கருத்தில் கொண்டு இந்த விருது வழங்கப்படுகிறது.

இந்தியா கிரிக்கெட் அணியின் வேகப்பந்து வீச்சாளர் முகமது ஷமி, விளையாட்டு மற்றும் விளையாட்டுகளில் சிறந்த சாதனைக்காக ஒவ்வொரு ஆண்டும் வழங்கப்படும் அர்ஜுனா விருதுடன் வழங்கப்படும் விளையாட்டு வீரர்களின் குழுவில் ஒருவர்.

உலக டெஸ்ட் சாம்பியன்ஷிப் மற்றும் ஒருநாள் உலகக் கோப்பையில் இரண்டாம் இடத்தைப் பிடித்த இந்திய அணியில் ஷமி ஒரு பகுதியாக இருந்தார். 33 வயதான அவர், இந்தியாவில் நடைபெற்ற உலகக் கோப்பையில், ஏழு போட்டிகளில் 24 விக்கெட்டுகளை எடுத்து முன்னணி விக்கெட் டேக்கர் ஆனார்.

முன்னதாக, அர்ஜுனா விருது பெற இருப்பது குறித்து செய்தியாளர்களிடம் பேசிய முகம்மது ஷமி, “இந்த விருது எனது கனவு. விளையாட்டுத் துறையில் இருந்த பலருக்கு இந்த விருது கிடைக்கவில்லை. இந்த விருதுக்கு நான் தேர்வு செய்யப்பட்டது மகிழ்ச்சி அளிக்கிறது. வாழ்நாளில் பலர் இந்த விருதை பெற்றதை நான் பார்த்திருக்கிறேன். அப்போதெல்லாம், அர்ஜுனா விருதை நாமும் பெற வேண்டும் என கனவு கண்டிருக்கிறேன்” என தெரிவித்துள்ளார்.

Today I am feeling very proud that I have been honored with the prestigious Arjuna Award by the President. I want to thank all those people who have helped me a lot to reach here and have always supported me in my ups and downs… thanks to My Coach, BCCI,team mates,my family,… pic.twitter.com/fWLGKfY5g8

— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) January 9, 2024

விருது பெற்றோர் பட்டியல்: அந்த வகையில், 2023ம் ஆண்டுக்கான அர்ஜுனா விருது முகம்மது ஷமி (கிரிக்கெட்), அஜய் ரெட்டி (பார்வையற்றவர்களுக்கான கிரிக்கெட்), ஓஜாஸ் பிரவின் தியோடேல் (வில்வித்தை), அதிதி கோபிசந்த் ஸ்வாமி (வில்வித்தை), ஷீத்தல் தேவி (மாற்றுத்திறனாளி வில்வித்தை), பருள் சவுத்ரி (தடகளம்), ஸ்ரீஷங்கர் (தடகளம்), முகம்மது ஹூஸ்ஸாமுதின் (குத்துச்சண்டை), வைஷாலி (செஸ்), திவ்யகிரிதி சிங் (குதிரையேற்றம்), அனுஷ் அகர்வாலா (குதிரையேற்றம்), தீக்‌ஷா தாகர் (கோல்ஃப்), கிரிஷன் பகதூர் பதக் (ஹாக்கி), சுசிலா சானு (ஹாக்கி), பிங்கி(Lawn ball), ஐஸ்வரி பிரதாப் சிங் தோமர் (துப்பாக்கிச்சுடுதல்), அந்திம் பங்கல் (மல்யுத்தம்), அய்ஷிகா முகர்ஜி (டேபிள் டென்னிஸ்) ஆகியோருக்கு இன்று வழங்கப்பட்டது. குடியரசுத் தலைவர் மாளிகையில் நடைபெற்ற விழாவில், குடியரசுத் தலைவர் திரவுபதி முர்மு 17 பேருக்கும் அர்ஜுனா விருதுகளை வழங்கி கவுரவித்தார்.