அந்த சத்தம் இருக்கே எப்பப்பப்பா – கொல்கத்தாவை வீழ்த்தி 3வது வெற்றியை பதிவு செய்தது சென்னை அணி..!!!

விறுவிறுப்புக்கும் பரபரப்புக்கும் பஞ்சமில்லாமல் நடைபெற்று வரும் IPL கிரிக்கெட் தொடரில் நேற்று நடைபெற்ற போட்டியில் கொல்கத்தாவை வீழ்த்திய சென்னை அணி தனது 3 ஆவது வெற்றியை பதிவு செய்துள்ளது .

கிரிக்கெட் ரசிகர்கள் அனைவரும் ஆவலுடன் எதிர்பார்த்த நடப்பாண்டுக்கான ஐபிஎல் கிரிக்கெட் தொடர் சென்னையில் கடந்த மாதம் 22 ஆம் தேதி கோலாகலமாக தொடங்கியது .

இதில் உலக புகழ் பெற்ற சென்னை சேப்பாக்கம் கிரிக்கெட் மைதானத்தில் நேற்று இரவு நடைபெற்ற போட்டியில் CSK – KKR அணிகள் பலப்பரீட்சை நடத்தியது .

இந்த போட்டியில் KKR அணிக்கு எதிராக டாஸ் வென்ற CSK அணி முதலில் பந்துவீச முடிவு செய்தது . இதையடுத்து சென்னை அணிக்கு எதிராக அதிக ரன்கள் எடுக்க வேண்டும் என்ற முனைப்பில் கொல்கத்தா அணி முதலில் பேட்டிங் செய்தது.

அணியின் தொடக்க வீரர்களாக நரைன் – ஃபில் சால்ட் களமிறங்கினர் . இதில் சிறப்பான தொடக்கத்தை கொடுப்பார்கள் என்று எதிர்பார்க்கப்பட்ட சால்ட் டக் அவுட்டாக நரேனும் 27 ரன்களில் ஆட்டமிழந்தார்.

அடுத்து வந்த அங்கிரிஷ் ரகுவன்ஷி – கேப்டன் ஷ்ரேயசுடன் இணைந்து நிதானமாக விளையாட அவர்களும் ஆட்டமிழந்து வெளியேறினர். பின்னர் வந்த அனைத்து வீரர்களும் சொற்ப ரன்களில் ஆட்டமிழக்க . இறுதியில் நிர்ணயிக்கப்பட்ட 20 ஓவர்கள் முடிவில் 9 விக்கெட்டுகளை இழந்த கொல்கத்தா அணி 137 ரன்களைச் சேர்த்தது.

இதையடுத்து 138 ரன்கள் எடுத்தால் வெற்றி என்ற இலக்குடன் சென்னை அணி களத்தில் பேட்டிங் செய்து செய்தது . அணியின் தொடக்க வீரர்களாக வழக்கம் போல் ரிச்சின் ரவீந்திர மற்றும் கேப்டன் ருதுராஜ் களமிறங்கினர்.

சிறப்பாக ஆட்டத்தை தொடங்கிய இருவரும் நல்லபடியாக ஆடி வந்த நிலையில் 8 பந்துகளில் 15 ரன்கள் எடுத்த ரிச்சின் எதிர்பாராதவிதமாக ஆட்டமிழந்தார். இவரை தொடர்ந்து வந்த மிச்சேல் 27 ரன்களில் ஆட்டமிழக்க மறுபக்க பொறுப்பாக விளையாடிய ருதுராஜ் அதிரடியில் மிரட்டி அரைசதம் கடந்து அசத்தினார்.

போட்டியில் வெல்ல சென்னை அணிக்கு 3 ரன்கள் தேவை பட்ட நிலையில் சிறப்பாக ஆடி வந்த துபே ஆட்டமிழக்க ரசிகர்களின் ஆரவாரத்துடன் எம்.எஸ்.தோனி களத்திற்கு கெத்தாக வந்தார்.

பின்னர் தோனி 6 அடித்து ஆட்டத்தை முடிப்பார் என்று எதிர்பார்க்கப்பட்ட நிலையில் சட்டென்று சிங்கள் கொடுத்து ஆட்டத்தை கேப்டன் ருதுராஜிடம் கொடுத்தார் தோனி . இதையடுத்து ருதுராஜ் ஆட்டத்தை சிறப்பாக முடித்து கொடுக்க சென்னை அணி அபார வெற்றியை ருசித்தது.