“95% பகுதிகள் இயல்பு நிலைக்கு திரும்பியது” – தலைமைச் செயலாளர் சிவ்தாஸ் மீனா அதிகாரப்பூர்வ அறிவிப்பு

“மிக்ஜாம் புயலால் பாதிக்கப்பட்ட சென்னையின் 95% பகுதிகள் மீண்டும் இயல்பு நிலைக்கு திரும்பி விட்டது என தலைமைச் செயலாளர் சிவ்தாஸ் மீனா அதிகாரப்பூர்வ அறிவிப்பை வெளியிட்டுள்ளார்.

மிக்ஜாம் புயலால் ஏற்பட்ட கனமழை மற்றும் வெள்ளத்தால் சென்னை மற்றும் அதனை சுற்றியுள்ள பகுதிகளை வெள்ளம் சூழ்ந்துள்ளது . இதனால் பொதுமக்களின் பாதுகாப்பு கருதி மின்சாரம் துண்டிக்கப்பட்டிருந்த நிலையில் தற்போது படிப்படியாக சீரமைப்பு பணிகள் நடைபெற்று வருகிறது.

இந்நிலையில் மிக்ஜாம் புயலால் பாதிக்கப்பட்ட சென்னையின் 95% பகுதிகள் மீண்டும் இயல்பு நிலைக்கு திரும்பி விட்டது என தலைமைச் செயலாளர் சிவ்தாஸ் மீனா அதிகாரப்பூர்வ அறிவிப்பை வெளியிட்டுள்ளார்.

சென்னையில் இன்று செய்தியாளர்களை சந்தித்த சிவ்தாஸ் மீனா கூறியதாவது :

• புயலால் பாதிக்கப்பட்ட சென்னையின் 95% பகுதிகள் மீண்டும் இயல்பு நிலைக்கு திரும்பி விட்டது . 18,780 பேர் நிவாரண முகாம்களில் தங்க வைக்கப்பட்டுள்ளனர்

• 850 தேசிய மற்றும் மாநில பேரிடர் மீட்பு பணியாளர்கள் களத்தில் உள்ளனர்

• சென்னையில் வெள்ளம் பாதித்த பகுதிகளில் நடமாடும் பால், காய்கறி கடைகள் ஏற்பாடு. இன்று 50 வாகனங்களும், நாளை முதல் 150 வாகனங்களும் இயக்கப்படும்

• 3,000 தூய்மை பணியாளர்கள் களத்தில் உள்ளனர் . 343 இடங்களில் தண்ணீரை அகற்றுவதற்கான பணிகள் நடைபெற்று வருகிறது

• ஒரு சில பகுதிகளில் மின் இணைப்பை சரி செய்ய பணிகள் முழுவீச்சில் தொடர்ந்து நடந்து வருகின்றன

• தாழ்வான பகுதிகளில் தேங்கிய மழைநீரை முழுமையாக வெளியேற்றிய பின், மின் இணைப்புகள் சீராகும் என தலைமைச் செயலாளர் சிவ்தாஸ் மீனா தெரிவித்துள்ளார்.