ரியோ ராஜ் நடிக்கும் Sweet heart படத்தின் புதிய போஸ்டர் வெளியானது..!!

ரியோ ராஜ் நடிப்பில் கலகலப்பாக உருவாகி வரும் Sweet heart படத்தின் புதிய போஸ்டரை படக்குழு வெளியிட்டுள்ளது.

சந்தானம் முதல் சிவகார்த்திகேயன் வரை சின்னத்திரையில் இருந்து வெள்ளைத்திரையில் கால்பதித்து தற்போது டாப் 10 நடிகர்கள் பட்டியலில் வெற்றிநடை போட்டு வருகின்றனர். இவர்களை பின்பற்றி தற்போது கவின் உளப்பட பலர் தமிழ் சினிமாவில் ஜொலித்து கொண்டிருக்கின்றனர்.

அவர்கள் வரிசையில் தற்போது இளம் நாயகனாக வலம் வருபவர் தான ரியோ ராஜ் . இவரது நடிப்பில் கடைசியாக ஜோ படம் வெளியாகி அமோக வரவேற்பை பெற்றது மட்டுமில்லாமல் சினிமாவில் அவரது அடுத்த நகர்வுக்கு முக்கிய படமாக அமைந்தது.

அந்தவகையில் தற்போது ரியோ நடிக்கும் புதிய படம் தான் Sweetheart . யுவன் சங்கர் ராஜா தயாரிப்பில் ரியோ ராஜ் நடிக்கும் Sweetheart படத்தை ஸ்வினீத் சுகுமார் இயக்குகிறார் .

யுவன் தயாரிக்கும் இந்த படத்திற்கு அவரே இசையமைத்து வருகிறார் . இந்நிலையில் தற்போது இந்த படத்தின் புதிய போஸ்டர் வெளியாகி வரவேற்பை பெற்று வருகிறது. இந்த போஸ்டரை நடிகர் சிலம்பரசன் வெளியிட்டுள்ளது குறிப்பிடத்தக்கது.