கமல்ஹாசனின் ‘இந்தியன்-2’ படத்தின் முதல் பாடல் வெளியானது..!!

கமல்ஹாசனின் கிளாஸான நடிப்பில் உருவாகி உள்ள ‘இந்தியன்-2’ படத்தின் முதல் பாடல் வெளியாகி ரசிகர்கள் மத்தியில் நல்ல வரவேற்பை பெற்று வருகிறது.

கமல்ஹாசன் – ஷங்கர் காம்போவில் ரசிகர்களின் பெரும் எதிர்பார்ப்புக்கிடையே உருவாகி உள்ள திரைப்படம் இந்தியன்-2 .

பல போராட்டங்களை தாண்டி இப்படத்தின் படப்பிடிப்பு வெற்றிகரமாக முடிவடைந்த நிலையில் தற்போது இப்படம் ரிலீசுக்கு தயாராக உள்ளது . இப்படத்தின் முதல் பாகத்திற்கு இசை புயல் இசையமைத்திருந்த நிலையில் இந்தியன் 2 படத்திற்கு ராக் ஸ்டார் அனிருத் இசையமைத்து உள்ளார் .

இதுமட்டுமின்றி இப்படத்தில் கமல்ஹாசனுடன் சேர்ந்து சித்தார்த், ப்ரியா பவானி சங்கர், எஸ்.ஜே.சூர்யா , காஜல் அகர்வால் என பெரும் நட்சத்திர பட்டாளமே கமிட்டாகி நடித்திருக்கிறது.

இந்நிலையில் இப்படத்தின் அப்டேட் கேட்டு ரசிகர்கள் அன்புத்தொல்லை செய்துவந்த நிலையில் தற்போது இப்படத்தின் முதல் சிங்கள் பாடல் வெளியாகி உள்ளது.

இந்தியன்-2 படத்தின் முதல் சிங்கிளான ‘பாரா’ என்ற பாடல் பா.விஜய் கைவண்ணத்தில் உருவாகி உள்ளது இப்பாடலை அனிருத் இசையமைத்து பாடியுள்ளார். இதுமட்டுமின்றி இப்படத்தின் இசைவெளியீட்டு விழா ஜூன் 1ல் நடைபெற உள்ளதாகவும் அறிவிக்கப்பட்டுள்ளது.