IND VS AFG : 2வது டி20 போட்டியில் டாஸ் வென்ற இந்திய அணி பந்துவீச முடிவு

இந்தியா – ஆப்கானிஸ்தான் அணிகள் மோதும் இரண்டாவது டி20 டாஸ் வென்ற இந்திய அணி முதலில் பந்துவீச முடிவு செய்துள்ளது .

இந்தியவுக்கு சுற்று பயணம் மேற்கொண்டுள்ள ஆப்கானிஸ்தான் அணி 3 போட்டிகள் கொண்ட டி20 தொடரில் மல்லுக்கட்ட உள்ளது.

இதில் மொஹாலியில் உள்ள மைதானத்தில் கடந்த 11 ஆம் தேதி நடைபெற்ற முதல் போட்டியில் இந்திய அணி தூபேவின் அபார ஆட்டத்தால் வெற்றி பெற்றது.

இந்நிலையில் இந்த இரு அணிகள் மோதும் இரண்டாவது டி20 போட்டி இந்தூரில் உள்ள பிரபல கிரிக்கெட் மைதானத்தில் இன்று நடைபெறுகிறது .

இந்த போட்டியில் ஆப்கானிஸ்தான் அணிக்கு எதிராக டாஸ் வென்ற இந்திய அணியின் கேப்டன் ரோஹித் சர்மா முதலில் பந்துவீச முடிவு செய்துள்ளார்.

சுமார் 429 நாட்களுக்கு பின் இந்தியாவுக்காக டி20 போட்டியில் இன்று விராட் கோலி களமிறங்க உள்ளதால் அவரின் ஆட்டத்தை காண ரசிகர்கள் செம ஆர்வமாக உள்ளனர் . கடைசியாக 2022 நவம்பரில் இங்கிலாந்துக்கு டி20 போட்டியில் விராட் கோலி விளையாடினார்.

இந்நிலையில் இன்று நடைபெறும் இந்த இரண்டாவது டி20 போட்டியில் எந்த அணி வெல்லப்போகிறது எந்த அணி தோல்வியை சந்திக்கபோகிறது என்பதை நாம் காத்திருந்து பார்க்கலாம்.