🎬➡️🏛️ எம்.ஜி.ஆர் பாதையில் விஜய் – தந்தை எஸ்.ஏ. சந்திரசேகர் பேச்சு

பணம் மட்டுமே வாழ்க்கை அல்ல என்பதற்கு தளபதி விஜய் சிறந்த எடுத்துக்காட்டாக விளங்குகிறார் என்று அவரது தந்தையும் பிரபல இயக்குநருமான எஸ்.ஏ. சந்திரசேகர் தெரிவித்துள்ளார். இன்னும் பல திரைப்படங்களில் நடித்து கோடிக்கணக்கான வருமானம் ஈட்ட முடிந்த நிலையிலும், சினிமா உலகத்தை விட்டு விலகி தமிழ்நாட்டு மக்களுக்கு சேவை செய்யும் பாதையை விஜய் தேர்ந்தெடுத்தது பாராட்டத்தக்க முடிவு என அவர் கூறினார்.

விஜயின் வாழ்க்கையில் சமூக அக்கறையும் மக்கள் சேவை உணர்வும் திடீரென உருவானவை அல்ல என்றும், அவர் நடித்த சில திரைப்படங்களே இந்த சிந்தனையை விதைத்து வளர்த்தன என்றும் எஸ்.ஏ. சந்திரசேகர் விளக்கினார். குறிப்பாக அந்த மனநிலை உருவாக இயக்குநர் ஏ.ஆர். முருகதாஸ் முக்கிய பங்கு வகித்ததாகவும் அவர் குறிப்பிட்டார். மறைந்த முன்னாள் முதல்வர் எம்.ஜி.ஆர் போலவே மக்கள் சேவையை மையமாகக் கொண்டு படங்களில் நடித்த விஜய், இன்று அரசியல் மற்றும் சமூக வாழ்வில் மக்களின் தலைவராக உருவெடுத்து வருகிறார் என்றும் எஸ்.ஏ. சந்திரசேகர் தெரிவித்துள்ளார்.