அந்த நடிகருடன் இணைந்து நடிக்க ஆசை.. த்ரிஷா உடைத்த ரகசியம்!

தென்னிந்திய சினிமாவில் 42 வயதிலும் உச்ச நட்சத்திரங்களில் ஒருவராக வலம் வருபவர் நடிகை த்ரிஷா. அதிக சம்பளம் பெறும் தென்னிந்திய நடிகைகளில் ஒருவராக இருக்கும் இவர், தற்போது பிரபல இயக்குநர் மணிரத்னம் இயக்கும் ‘தக் லைஃப்’ என்ற படத்தில் நடித்து வருகிறார்.

வரும் ஜூன் 5 ஆம் தேதி வெளியிடப்படவுள்ள இப்படத்தில் கமல் ஹாசன், சிம்பு, த்ரிஷா, அபிராமி உள்ளிட்ட பல பிரபலங்கள் நடிக்கின்றனர். இப்படத்தின் மீது ரசிகர்களிடையே மிகுந்த எதிர்பார்ப்பு உள்ளது. ஓரிரு வாரங்களுக்கு முன்பு இப்படத்தின் முதல் பாடல் வெளியிடப்பட்டு நல்ல வரவேற்பைப் பெற்றது. அதைத் தொடர்ந்து, நடிகை த்ரிஷா நடனத்தில் உருவாக்கப்பட்ட ‘சுகர் பேபி’ என்ற இரண்டாவது பாடல் மற்றும் படத்தின் டிரைலர் வெளியிடப்பட்டன.

இந்நிலையில், த்ரிஷாவிடம் “எந்த நடிகருடன் இணைந்து நடிக்க வேண்டும் என்ற ஆசை உங்களுக்கு இருக்கிறது?” எனக் கேட்டபோது, அவர் அளித்த பதில் இணையத்தில் வைரலாகி வருகிறது. த்ரிஷா இதற்கு பதிலளிக்கையில், “சந்தேகமே வேண்டாம். எனக்கு பகத் பாசிலுடன் இணைந்து நடிக்க வேண்டும் என்பதுதான் ஆசை. அவர் எந்த விதமான கதைகளில் நடித்தாலும் அதில் அற்புதமான நடிப்பை வெளிப்படுத்தக் கூடியவர்” என தெரிவித்துள்ளார்.