முன் செல்லடா முன்னேசெல்லடா தைரியமே துணை – டி20 தரவரிசையில் நம்பர் 1 இடத்தை தக்க வைத்தார் சூர்ய குமார்..!!

ஐசிசியின் 2023 ஆம் ஆண்டின் நம்பர் 1 டி20 கிரிக்கெட் வீரராக இந்திய அணியின் மிடில்-ஆர்டர் பேட்ஸ்மேன் இளம் புயல் சூர்யகுமார் யாதவ் மீண்டும் தனது இடத்தை தக்க வைத்துள்ளார்.

சூர்யகுமார் யாதவ் கடந்த ஆண்டு முழுவதும் தனது திறமையையும் ஆற்றலையும் முழுவதுமாக வெளிப்படுத்தி அற்புதமாக விளையாடி இந்திய அணிக்காக பல முறை இமாலய ரன்களை குவித்தார். துடிப்புடன் விளையாடி வரும் அவர் டி20 போட்டிகளில் ஏராளமான சாதனைகளை முறியடித்தார்.

‘SKY’ என்று ரசிகர்களால் அன்போடு அழைக்கப்படும் இவர் கடந்த ஆண்டின் நம்பர் 1 டி20 கிரிக்கெட் வீரராக தேர்வு செய்யப்பட்டார் .இந்நிலையில் இந்த ஆண்டும் சிறப்பாக விளையாடிய சூர்யகுமார் யாதவ் ஐசிசி யின் சிறந்த டி20 கிரிக்கெட் தரவரிசையில் நம்பர் 1 இடத்தை தக்க வைத்துள்ளார்.

இந்த ஆண்டு இந்திய அணி அனைத்திலும் சிறப்பாக செயல்பட்டு வருவது கிரிக்கெட் ரசிகர்களுக்கு மகிழ்ச்சியை கொடுத்து வந்தாலும் உலகக்கோப்பை கிரிக்கெட் போட்டியில் கோப்பையை தவற விட்டது பெரும் ஏமாற்றத்தையும் அதிர்ச்சியையும் ஏற்படுத்தியுள்ளது .