மோடியின் 5 ஆண்டு கால ஆட்சி கேள்விக்குறி – திருமாவளவன்

மோடி தலைமையிலான அரசு ஐந்தாண்டு காலத்திற்கு நீடிக்குமா என்பது மிகப்பெரிய கேள்விக்குறியே என விடுதலை சிறுத்தைகள் கட்சியின் தலைவர் தொல் . திருமாவளவன் தெரிவித்துள்ளார்.

டெல்லியில் இன்று செய்தியாளர்களை சந்தித்த திருமாவளவன் கூறியதாவது :

நாட்டின் அரசியலமைப்பைக் காக்க வேண்டும் என்ற இந்தியா கூட்டணியின் வேண்டுகோளை மக்கள் நிறைவேற்றியுள்ளனர். தனிப்பெரும்பான்மை பெற முடியாத பின்னடைவு பாஜகவிற்கு ஏற்பட்டுள்ளது.

நரேந்திர மோடி தலைமையில் அமையவுள்ள அரசு அடுத்த 5 ஆண்டு காலத்திற்கு நீடிக்கும் என்பது மிகப்பெரிய கேள்விக்குறி. தேசிய ஜனநாயகக் கூட்டணியில் எந்நேரத்திலும் கருத்து வேறுபாடு எழ வாய்ப்பு உள்ளது .

நிதீஷ்குமார், சந்திரபாபு நாயுடு மற்றும் ஏக்நாத் ஷிண்டே தங்களுடைய முடிவுகளை மறுபரிசீலனை செய்ய வேண்டும். மீண்டும் பாஜக ஆட்சிக்கு வருவது நாட்டிற்கும் ஜனநாயகத்திற்கும் நல்லதல்ல என திருமாவளவன் தெரிவித்துள்ளார்.