Cinema News
தனது லவ்வரை அறிமுகப்படுத்திய நடிகர் மணிகண்டன்..! வைரலாகிவரும் Video!
ஸ்டாண்ட் அப் காமெடியனாக தனது வாழ்க்கையை தொடங்கிய மணிகண்டன் விக்ரம் வேதா படத்தில் வசனகர்த்தாவாகவும் நடிகராகவும் அறிமுகம் ஆகியிருந்தார். சில்லு கருப்பட்டி படத்தில் மணிகண்டனை அழகாக பயன்படுத்தியிருந்தார் ஹலிதா ஷமீம். ஞானவேல் இயக்கத்தில் சூர்யா நடித்த ஜெய்பீம் திரைப்படத்தில் அய்யாக்கண்ணுவாக நடித்து ரசிகர்களை அழ வைத்துவிட்டார்.
தமிழ் சினிமாவில் ஹீரோ என்றாலே மாசாக காட்டி வரும் நிலையில், குறட்டை விடும் ஒரு நபரை நாயகனாக இந்த ஆண்டு குட்நைட் படத்தின் மூலம் இயக்குநர் விநாயகர் சந்திரசேகரன் அழகாக காட்டியிருந்தார். பெரிய அலப்பறை, அடிதடி, ரத்தம் தெறிக்க தெறிக்க காட்சிகள், விவாகரத்து, காதல் தோல்வி என எமோஷன்களை பிழிவது என இல்லாமல் மென்மையான ஒரு படத்தை இயக்கியிருந்தார். அதில், மணிகண்டன் தன்னை அழகாக பொருத்தி நடித்த விதம் அனைவரையும் இந்த ஆண்டு அதிக அளவில் கவர்ந்தது.
மேலும், மத்தகம் என்னும் வெப்சீரிஸில் மிரட்டல் ஆகவும் நடித்திருந்தார். சமீபத்தில், குட்நைட் படத்தின் நாயகி மீதா ரகுநாத் நிச்சயதார்த்தம் செய்து கொண்ட நிலையில், மணிகண்டன் தற்போது தனது லவ்வரை அறிமுகம் செய்து வைத்திருப்பது ரசிகர்களை ஆச்சரியத்தில் ஆழ்த்தியுள்ளது. ஆனால், ட்விஸ்ட் என்னவென்றால் இது ரியல் லவ்வர் கிடையாது. மணிகண்டன் அடுத்து நடிக்கும் படத்தின் டைட்டில் தான் ‘லவ்வர்’.
என் உயிரை கொல்லும் தேன்சுடரே @gouripriyareddy ❤️💙
— Manikandan Kabali (@Manikabali87) December 23, 2023
Meet My #Lover Dhivya 🥰 pic.twitter.com/8GCTltvfHO
மாடன் லவ் சென்னை எனும் ஓடிடி படைப்பில் இடம்பெற்ற லாலாகுண்டா பொம்மைகல் கதையில் நாயகியாக நடித்த ஸ்ரீ கௌரி பிரியாவை திவ்யா என்றும் அவர் தான் தனது லவ்வர் என்றும் தற்போது வீடியோ வெளியிட்டு புதிய புரமோஷனை செய்துள்ளார் மணிகண்டன். ராஜா ராணி படத்தின் போது நயன்தாராவுக்கும் ஆர்யாவுக்கும் திருமணம் என அட்லீ பரபரப்பை கிளப்பியது போல பிரபு ராம் இயக்கத்தில் உருவாகி வரும் லவ்வர் படத்தின் டீசர் விரைவில் வெளியாக உள்ள நிலையில், இப்படி ஒரு புரமோஷனை மணிகண்டன் செய்துள்ளார்.
