🎬 ‘கொம்பு சீவி’ முதல் நாள் வசூல்… ரூ.40 லட்சம் கலெக்ஷன்! 🔥

பொன்ராம் இயக்கத்தில் உருவான ‘கொம்பு சீவி’ திரைப்படம் சமீபத்தில் திரையரங்குகளில் வெளியாகி ரசிகர்களின் கவனத்தை ஈர்த்துள்ளது. இந்த படத்தில் கேப்டன் விஜயகாந்தின் மகன் சண்முக பாண்டியன் நாயகனாக நடித்துள்ள நிலையில், அனுபவமிக்க நடிகர் சரத்குமார் முக்கியமான கதாபாத்திரத்தில் தோன்றியுள்ளார்.

மதுரை பின்னணியை மையமாகக் கொண்டு, உண்மை சம்பவங்களைத் தழுவி உருவாக்கப்பட்டுள்ள இந்த படத்திற்கு வெளியான முதல் நாளிலேயே நல்ல விமர்சனங்கள் கிடைத்துள்ளதாக கூறப்படுகிறது. குறிப்பாக கதையின் உணர்வுப்பூர்வமான அணுகுமுறையும் நடிகர்களின் இயல்பான நடிப்பும் பாராட்டுகளை பெற்றுள்ளன. பாக்ஸ் ஆபிஸ் தகவலின்படி, படம் வெளியான முதல் நாளில் மட்டும் சுமார் ரூ.40 லட்சம் வசூல் செய்துள்ளதாக செய்திகள் வெளியாகி, இப்படத்திற்கு ஒரு நல்ல தொடக்கத்தை அளித்துள்ளது.