“திரௌபதி 2 பாடல் சர்ச்சை! சின்மயி மன்னிப்பு – என்ன நடந்தது?”👇🔥

பாடகி சின்மயி மீது தமிழ் சினிமாவில் பல ஆண்டுகளாக இருந்த பாடத் தடை சமீபத்தில் முறிந்தது. ‘தக் லைப்’ படத்தின் முத்த மழை பாடல் பெரிய ஹிட்டாகி, அவரது குரலை மீண்டும் கேட்க ரசிகர்கள் ஆர்வமாய் எதிர்நோக்கியனர். இதன் பின்னர் சின்மயி பல புதிய படங்களில் மீண்டும் பாட வாய்ப்பு பெறத் தொடங்கினார்.

ஆனால், இந்த மகிழ்ச்சிக்கிடையே ஒரு புதிய சர்ச்சை உருவானது. இயக்குனர் மோகன்.ஜி இயக்கும் திரௌபதி 2 படத்தில் வரும் எம்கோனே பாடலை சின்மயி பாடியிருப்பது சமூக வலைதளங்களில் பெரிய விவாதத்துக்குள்ளானது. சமுதாய, அரசியல் கருத்துக்களால் முந்தைய படங்கள் சர்ச்சை பெற்ற நிலையில், சின்மயி போன்ற சமூக குரலை உயர்த்துபவர் இப்படத்தில் பாடியிருப்பது பலரின் விமர்சனத்துக்கு காரணமானது.

இந்த விமர்சனங்களுக்கு நேரடியாக பதிலளித்த சின்மயி, தனது முடிவுக்கான உண்மையை வெளிப்படையாக பகிர்ந்து கொண்டார். ஜிப்ரானை தாம் 18 வருடங்களாக அறிவதாகவும், அவரது அலுவலகத்திலிருந்து அழைப்பு வந்ததால் வழக்கம்போல் சென்று பாடியதாகவும் கூறினார். அப்போது ஜிப்ரான் கூட அங்கு இல்லையாம்.

பாடலின் பொருள், அதன் நோக்கம், அதன் பின்னணி ஆகியவை என்ன என்பதை பின்னர் தான் தெரிந்தது என்று சின்மயி விளக்கினார்.

“அந்த பாடலின் கருத்து முன்பே தெரிந்திருந்தால் நான் பாடியிருக்க மாட்டேன். அது என் சித்தாந்தத்துக்கும், என் நிலைப்பாடுகளுக்கும் ஒத்து வராது. இதுதான் உண்மை.” என்று அவர் தெளிவாக குறிப்பிட்டார்.

இந்த பதிவு தற்போது சமூக வலைதளங்களில் வேகமாக பரவி, பலரும் அவரது நேர்மையை வரவேற்பும், சிலர் தொடர்ந்து கேள்வி எழுப்புவதுமாக விவாதம் சூடுபிடித்திருக்கிறது.