“நாலு Foreign படம் பார்த்து திருடி, நல்ல Script எழுதப்போறன்! GOA திரைப்பட விழாவில் பிக் பாஸ் பிரதீப்!”

விஜய் டிவியின் முன்னணி நிகழ்ச்சியான பிக்பாஸ் 6 சீசன்களை சிறப்பாக நிறைவு செய்துவிட்டு தற்போது 7வது சீசனின் என்ட்ரி கொடுத்துள்ளது. இந்த நிகழ்ச்சி கடந்த மாதம் 1ம் தேதி 18 போட்டியாளர்களுடன் துவங்கப்பட்டது. நிகழ்ச்சியில் போட்டியாளர்களை கலக்கலாக அறிமுகம் செய்திருந்தார் ஆங்கர் கமல்ஹாசன். என்றபோதிலும் நிகழ்ச்சியின் முதல் வாரத்திலேயே போட்டியிலிருந்து ஒரு போட்டியாளர் எலிமினேட் ஆனார். இந்நிலையில் அடுத்தடுத்த போட்டியாளர்கள் நிகழ்ச்சியில் இருந்து வெளியேறிய நிலையில் தற்போது 10 போட்டியாளர்கள் நிகழ்ச்சியிலிருந்து வெளியேறியுள்ளனர்.

மேலும் கடந்த சில வாரங்களுக்கு முன்பு 5 போட்டியாளர்கள் வைல்ட் கார்ட் மூலம் என்ட்ரி கொடுத்துள்ளனர். இரு வாரங்களுக்கு முன்பு போட்டியாளர் பிரதீப் நிகழ்ச்சியிலிருந்து ரெட் கார்ட் கொடுக்கப்பட்டு வெளியேற்றப்பட்டார். இதனால் ரசிகர்களிடையே சலசலப்பு ஏற்பட்டது. கமலின் இந்த செயல் பல்வேறு கேள்விகளை உண்டு செய்தது. இந்நிலையில் பிரதீப் மீண்டும் போட்டியில் நுழைவார் என்று தகவல்கள் வெளியாகின. இதற்கு பிரதீப்பும் விருப்பம் தெரிவித்திருந்தார். இதனால் இவரது ரீ என்ட்ரியை பிக்பாஸ் 7 குழுவினர் மறுபரிசீலனை செய்வார்கள் என்று எதிர்பார்க்கப்பட்டது.

ஆனால் இதுகுறித்து கமல் தன்னுடைய வாரயிறுதி எபிசோட்களில் எதையும் தெரிவிக்கவில்லை. மாறாக தவறு செய்தவர்கள் தண்டனையை பெற வேண்டும் என்று மறைமுகமான கருத்துக்களை வெளிப்படுத்தினார். இந்நிலையில் இன்றைய தினம் பிரதீப் தனது ட்விட்டர் பக்கத்தில் புதிய பதிவு ஒன்றை மேற்கொண்டுள்ளார். அதில் தற்போது நான்கைந்து தயாரிப்பாளர்கள் தன்னிடம் கதை கேட்டுள்ளதாகவும் தான் புதிய கதைக்களத்தை உருவாக்கி களத்தில் இறங்கவுள்ளதாகவும் தெரிவித்துள்ளார். மேலும் நக்கலாகவும் இந்த பதிவில் அவர் நான்கைந்து ஃபாரீன் படத்தை பார்த்து திருடி ஒரு நல்ல ஸ்கிரிப்டை ரெடி செய்து படத்துடன் வருவேன் என்றும் கூறியுள்ளார்.

Seri, jolly ah irunchu…ippo oru 4-5 producers enna nambi kadhai kekuranga. Naan IFFI GOA 2024 kelamburen. Naalu Foreign padam paathu, thirudi, oru nalla script ready panni, padathoda varen.

Aala vidunga 🙏

Neengalachu, Bigg Boss Aachu 🏃

Poitu varen, Nalla irunga 🙌 pic.twitter.com/ORZjwp3NJF

— Pradeep Antony (@TheDhaadiBoy) November 19, 2023

தொடர்ந்து ஆளை விடுங்க, நீங்களாச்சு, பிக்பாஸ் ஆச்சு போயிட்டு வரேன் நல்லா இருங்க என்றும் தன்னுடைய பதிவில் குறிப்பிட்டுள்ளார். கோவாவில் நடைபெறும் IFFI 2024 நிகழ்ச்சியில் பங்கேற்க தான் கிளம்புவதாகவும் அவர் தெரிவித்துள்ளார். இதையடுத்து அவர் நல்ல படத்தை ரசிகர்களுக்கு கொடுக்க வேண்டும் என்று ரசிகர்களை வாழ்த்துக்களை தெரிவித்து வருகின்றனர். அவர் இந்தப் பதிவின்மூலம் யாரை மறைமுகமாக தாக்குகிறார் என்றும் கேள்வி எழுப்பி வருகின்றனர்.