உலகக்கோப்பை கேரம் சாம்பியன்ஷிப் போட்டி – தங்கம் வென்று சாதனை படைத்த தமிழக வீராங்கனை..!!

அமெரிக்காவில் நடைபெற்ற 6வது உலகக்கோப்பை கேரம் சாம்பியன்ஷிப் போட்டியில் 3 பிரிவுகளில் தங்கம் வென்று சாதனை படைத்துள்ளார் தமிழக வீராங்கனை காசிமா.

சென்னை புது வண்ணாரப்பேட்டை பகுதியை சேர்ந்தவர் 17 வயதாகும் காசிமா . சிறு வயது முதல் கேரம் விளையாட்டில் கைதேர்ந்த வீராங்கனையாக வலம் வந்த இவர் பல பதக்கங்களை வென்று பிறந்த மண்ணுக்கு பெருமை சேர்ந்துள்ளார் .

இந்நிலையில் அமெரிக்காவில் நடைபெற்ற 6வது உலகக்கோப்பை கேரம் சாம்பியன்ஷிப் போட்டிக்கு தகுதி பெற்ற காசிமா தமிழ்நாடு அரசின் உதவியுடன் அமெரிக்காவுக்கு பறந்து சென்று அங்கு 3 பிரிவுகளில் நடைபெற்ற போட்டிகளில் தங்கம் வென்று அபாரமான சாதனையை படைத்துள்ளார் .

கண்டம் விட்டு கண்டம் சென்று தமிழக வீராங்கனை காசிமா உலக அளவில் சாதனை படைத்துள்ள நிலையில் அவருக்கு பாராட்டுகளும் வாழ்த்துக்களும் குவிந்து வருகிறது.