வடசென்னை 2 எப்போ..? நடிகர் தனுஷ் கொடுத்த அப்டேட்!

பொல்லாதவன், ஆடுகளம், வடசென்னை, அசுரன் என வெற்றிமாறன் – தனுஷ் கூட்டணியில் நான்கு திரைப்படங்கள் வெளியாகி உள்ளன. ஆனால், ரசிகர்கள் பெரும்பாலானோர் காத்திருப்பது வடசென்னை 2 தான்.

2018-ல் வெளிவந்த வடசென்னை படத்தை ரசிகர்கள் மிகுந்த வரவேற்புடன் பார்த்தனர். இப்படத்தில் தனுஷ், ஐஸ்வர்யா ராஜேஷ், ஆண்ட்ரியா, அமீர், சமுத்திரக்கனி, டேனியல் பாலாஜி, கிஷோர் உள்ளிட்ட பலர் நடித்தனர்.

இப்படத்தின் இறுதியில் வெற்றிமாறன், வடசென்னை 2 வரும் என்று உறுதி செய்தார். அதிலிருந்து ரசிகர்கள் தொடர்ந்து அடுத்த பகுதி எப்போது என்று கேட்டு வந்தனர். தனுஷ், வெற்றிமாறன் இருவரும் எந்த நிகழ்ச்சிக்கும் சென்றாலும், வடசென்னை 2 பற்றிய கேள்விகள் அவர்களை தொடர்ந்தது.

நேற்று தனுஷின் குபேரா படத்தின் இசை வெளியீட்டு விழாவில், தனுஷ் புதிய அப்டேட்டை வெளியிட்டார். 2018-ல் இருந்து கேட்டு வந்தவர்கள், “அடுத்த வருடம்” என்றார். இதன் மூலம், வடசென்னை 2 அடுத்த வருடம் படப்பிடிப்பு துவங்குகிறது என்று உறுதியாகிவிட்டது. இதை கேட்ட ரசிகர்கள் இடைவிடாமல் ஆரவாரம் எழுப்பினர்.