உலகநாயகனின் ‘தக் லைஃப்’ படத்தின் ரிலீஸ் தேதியை அறிவித்தது படக்குழு..!!

உலகம் போற்றும் உலகநாயகன் கமல்ஹாசன் இன்று தனது 70 ஆவது பிறந்தநாளை கொண்டாடி வரும் நிலையில் அவரது நடிப்பில் உருவான ‘தக் லைஃப்’ படத்தின் ரிலீஸ் தேதியை படக்குழு அறிவித்துள்ளது.

சுமார் 36 ஆண்டுகளுக்கு பின் மணிரத்தினம் – கமல்ஹாசன் கூட்டணையில் மிக பிரம்மாண்டமாக உருவாகி வரும் திரைப்படமே ‘தக் லைஃப்’ .

மாபெரும் எதிர்பார்ப்புக்கிடையே உருவான இப்படத்தில் உலக நாயகனுடன் சேர்ந்து சிம்பு,த்ரிஷா, நாசர், அபிராமி, கெளதம் கார்த்திக், ஜோஜூ ஜார்ஜ், ஐஸ்வர்யா லக்‌ஷ்மி உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர்.

உள்நாடு மாற்று வெளிநாடுகளில் விறுவிறுப்பாக நடைபெற்று வந்த இப்படத்தின் படப்பிடிப்பு வெற்றிகரமாக முடிவடைந்த நிலையில் தற்போது இப்படத்தின் ரிலீஸ் தேதியை படக்குழு அறிவித்துள்ளது.

நடிகர் கமல்ஹாசன் இன்று தனது 70 ஆவது பிறந்தநாளை சிறப்பாக கொண்டாடி வரும் நிலையில் அவருக்கு வாழ்த்து தெரிவிக்கும் வகையில் ரிலீஸ் டீஸர் ஒன்றையும் வெளியிட்டு தக் லைஃப் திரைப்படம் அடுத்த ஆண்டு ஜூன் 5ஆம் தேதி வெளியாகும் என படக்குழு அறிவித்துள்ளது.