ஷங்கரின் கேம் சேஞ்சர் படம் எப்படி? முதல் விமர்சனம்!

இயக்குனர் ஷங்கர் மற்றும் நடிகர் ராம் சரண் கூட்டணியில் உருவான திரைப்படம் “கேம் சேஞ்சர்” மிகுந்த எதிர்பார்ப்புகளுடன் வரும் 10ஆம் தேதி திரைக்கு வருகிறது. இப்படத்தில் கியாரா அத்வானி, சுனில், அஞ்சலி, எஸ்.ஜே. சூர்யா, ஜெயராம், சமுத்திரக்கனி மற்றும் பலர் முக்கியக் கதாபாத்திரங்களில் நடித்துள்ளனர். சமீபத்தில் வெளியான ட்ரைலர் ரசிகர்களிடையே நல்ல வரவேற்பை பெற்றிருந்தது.

இந்த நிலையில், படம் வெளிவருவதற்கு முன், படத்தின் முதல் விமர்சனம் தற்போது எக்ஸ் தளத்தில் வெளியாகியுள்ளது. அந்த விமர்சனத்தில், படம் சிறப்பாக உருவாகி, இயக்குனர் ஷங்கரின் கம்பேக் என்றும், நடிகர் ராம் சரணின் நடிப்பு சிறப்பாக இருந்தது என்றும் கூறப்பட்டுள்ளது. மேலும், பண்டிகை காலத்தில் பார்க்க வேண்டிய தரமான திரைப்படம் என விமர்சகர் குறிப்பிடுவதாக தெரிவித்துள்ளனர்.

இந்த விமர்சனம் தற்போது இணையத்தில் வைரலாகி, ரசிகர்கள் மத்தியில் அதிகமாகப் பரவியுள்ளது. படம் எப்படிப்பட்ட வரவேற்பை பெறும் என்பது நமக்கு விரைவில் தெரியும், ஆனால் தற்போது நல்ல எதிர்பார்ப்புகள் உருவாகியுள்ளன.

How long has it been since we last witnessed @shankarshanmugh sir’s social-commercial drama? Now he’s back, leaving his mark in every frame once again… And my dearest brother @AlwaysRamCharan’s effortless versatility in such roles is truly massiveee. Looks like there are a lot…

— S S Karthikeya (@ssk1122) January 3, 2025