அதிரடி சதம் விளாசிய ருத்துராஜ் – ஆஸ்திரேலியா அணிக்கு 223 ரன்கள் இலக்கு..!!

இந்திய – ஆஸ்திரேலியா அணிகளுக்கு இடையிலான 5 போட்டிகள் கொண்ட டி20 கிரிக்கெட் தொடரில் இன்று நடைபெறும் 3 வது டி20 போட்டியில் முதலில் பேட்டிங் செய்த இந்திய அணி அபிராமாக ஆடி 222 ரன்கள் குவித்துள்ளது.

5 போட்டிகள் கொண்ட டி20 கிரிக்கெட் தொடரில் இதுவரை 2 போட்டிகளில் நடைபெற்று முடிந்த நிலையில் அந்த 2 போட்டியிலும் அபார ஆட்டத்தை வெளிப்படுத்திய இந்திய அணி அசத்தலான வெற்றியை பதிவு செய்தது.

இந்நிலையில் இந்திய – ஆஸ்திரேலியா அணிகள் மோதும் 3வது டி20 கிரிக்கெட் போட்டி கவுகாத்தியில் உள்ள பிரபல கிரிக்கெட் மைதானத்தில் இன்று நடைபெறுகிறது . இந்த போட்டியில் இந்திய அணிக்கு எதிராக டாஸ் வென்ற ஆஸ்திரேலியா அணி முதலில் பந்துவீச முடிவு செய்தது . இதையடுத்து ஆஸ்திரேலியா அணிக்கு எதிராக அதிக ரன்கள் எடுக்க வேண்டும் என்ற முனைப்பில் இந்திய அணி பேட்டிங் செய்தது.

இந்திய அணியின் தொடக்க வீரர்களாக ஜெய்ஸ்வால் மற்றும் ருத்துராஜ் களமிறங்கினர் . இதில் அணிக்கு நல்ல தொடக்கத்தை கொடுப்பார் என்று பெரிதும் எதிர்பார்க்கப்பட்ட ஜெய்ஸ்வால் 6 ரன்களில் அவுட் ஆகி அதிர்ச்சி கொடுத்தார். இதையடுத்து களமிறங்கிய இஷான் கிஷனும் டக் அவுட் ஆகி அதிர்ச்சி கொடுக்க பின்னீர் கேப்டன் சூர்யா மற்றும் ருத்துராஜ் ஜோடி சேர்ந்தனர் .

பொறுப்புடன் விளையாடிய இருவரும் அணிக்கு தேவையான ரங்களை மளமளவென எடுத்தனர்.சிறப்பாக விளையாடிய கேப்டன் சூர்யாவும் தனது விக்கெட்டை பறிகொடுத்தார் . ஆனால் இறுதிவரை களத்தில் நின்று விளையாடிய ருத்துராஜ் அதிரடி சதம் விளாசி எதிரணியை மிரளவைத்தார்.

இறுதியில் 20 ஓவர்கள் முடிவில் 3 விக்கெட்டுகள் இழப்புக்கு இந்திய அணி 222 ரன்கள் எடுத்தது.இந்திய அணி சார்பில் சிறப்பாக விளையாடிய ருத்துராஜ் 57 பந்துகளில் 13 பவுண்டரிகள் 7 சிக்ஸர்களுடன் 123 ரன்கள் எடுத்து களத்தில் கெத்தாக இருந்தார். இதையடுத்து 223 ரன்கள் எடுத்தால் வெற்றி என்ற இலக்குடன் தற்போது ஆஸ்திரேலியா அணி பேட்டிங் செய்து வருகிறது.

இந்நிலையில் இன்று நடைபெறும் 3 வது டி20 கிரிக்கெட் போட்டியில் எந்த அணி வெல்லப்போகிறது எந்த அணி தோல்வியை சந்திக்க போகிறது என்பதை நாம் காத்திருந்து பார்க்கலாம்.