லக்னோ அணிக்கு செல்லும் ரிஷப் பண்ட் – டெல்லி கேபிடல்ஸ் உரிமையாளர் உணர்ச்சிப்பூர்வ பதிவு

2025 ஐபில் தொடரில் டெல்லி கேப்டன் ரிஷப் பண்ட்டை லக்னோ அணிக்கு ஏலத்தில் எடுத்துள்ள நிலையில் டெல்லி கேபிடல்ஸ் உரிமையாளர் பார்த் ஜிண்டால் போட்டுள்ள உணர்ச்சிப்பூர்வ பதிவு தற்போது இணையத்தில் வைரலாகி வருகிறது.

2025 ஐபில் தொடருக்கான மெகா ஏலம் சவுதியில் கடந்த 2 நாட்களாக நடைபெற்று வந்த நிலையில் இம்முறை இந்த மெகா ஏலத்தில் ஏகப்பட்ட மாற்றங்கள் நடைபெற்றுள்ளன அதில் ஒன்றாக டெல்லி அணியின் கேப்டனாக இருந்து வந்த ரிஷப் பண்ட்டை லக்னோ அணி 27 கோடி கொடுத்து ஏலத்தில் எடுத்தது.

இந்நிலையில் லக்னோ அணிக்கு செல்லும் ரிஷப் பண்ட் குறித்து டெல்லி கேபிடல்ஸ் உரிமையாளர் பார்த் ஜிண்டால் உணர்ச்சிப்பூர்வ பதிவு ஒன்றை போட்டுள்ளார். இதுகுறித்து அவர் கூறிருப்பதாவது :

ரிஷப்.. நீங்கள் எப்பவும் என்னுடைய தம்பியாகவே இருப்பீர்கள். உங்களை எனது குடும்பத்தில் ஒருவராக கருதி, முடிந்தவரை மகிழ்ச்சியாக வைத்துக்கொள்ள முயன்றுள்ளேன். நீங்கள் வேறு அணிக்கு செல்வதை பார்க்க உணர்ச்சிவசமாகவும் வருத்தமாகவும் உள்ளது. எப்போதும் நீங்கள் DCன் ஒரு அங்கம்தான்.. என்றாவது ஒருநாள் நாம் மீண்டும் ஒன்றுசேர்வோம் என பார்த் ஜிண்டால் தெரிவித்துள்ளார்.