ரஜினிக்கு தெரியும் அந்த வலி… தனுஷ் செய்ததால்தான் ஐஸ்வர்யா பிரிஞ்சாங்க! பிரபலம் ஓபன்..

தமிழ் சினிமாவின் பிரபல நட்சத்திர தம்பதிகளாக அழகாக வாழ்ந்தவர்கள் நடிகர் தனுஷும் இயக்குநர் ஐஸ்வர்யா ரஜினிகாந்தும். “காதல் கொண்டேன்” படத்தில் தனுஷின் நடிப்பை பாராட்டிய ஐஸ்வர்யா, அவருடன் பழக ஆரம்பித்தார். அந்த நட்பு காதலாக மாறி, இருவரும் 2004ஆம் ஆண்டு திருமணம் செய்து கொண்டனர்.

தனுஷ் அப்போது வளர்ந்து வரும் நடிகர் மட்டுமே. பத்து படங்களுக்குமேல் நடிக்காத நிலையில், சூப்பர் ஸ்டார் ரஜினிகாந்தின் மருமகனாக அவர் வந்தது சினிமா வட்டாரத்தில் பெரும் சர்ச்சையை கிளப்பியது. ஆரம்பத்தில் ஏற்பட்ட எதிர்ப்புகள் பின்னர் மாறின. மகளின் விருப்பத்துக்கிணங்க ரஜினிகாந்த் திருமணத்திற்கு சம்மதம் தெரிவித்தார்.திருமணத்திற்கு பின் தனுஷ் மற்றும் ஐஸ்வர்யா இருவரும் உறவைப் பெரிதும் மதித்து வாழ்ந்தனர். யாத்ரா மற்றும் லிங்கா என்ற இரண்டு மகன்கள் அவர்களுக்கு பிறந்தனர். கூடவே, “3” படத்தில் ஐஸ்வர்யா இயக்குநராகவும், தனுஷ் ஹீரோவாகவும் பணியாற்றினர்.

ஆனால், சில வருடங்களுக்கு முன்பு தங்களது ஒற்றுமை முடிவுக்கு வந்ததாக இருவரும் அறிவித்தனர். பின்னர் குடும்ப நல நீதிமன்றத்தில் விவாகரத்து மனுவும் தாக்கல் செய்யப்பட்டு, சட்டப்படி விவாகரத்தும் பெற்றனர். இது ரசிகர்களிடையே பெரும் அதிர்ச்சியை ஏற்படுத்தியது. தனுஷ் மற்றும் ஐஸ்வர்யா பிரிந்ததற்கு பல்வேறு காரணங்கள் பேசப்பட்டாலும், இருவரும் இதுவரை எந்த நேர்மையான விளக்கமும் அளிக்கவில்லை. குடும்பத்தினரின் சமாதான முயற்சிகளும் பலனளிக்கவில்லை.

இந்நிலையில் சமீபத்தில் யாத்ரா தனது 12ஆம் வகுப்பு படிப்பை முடித்ததையடுத்து நடைபெற்ற பட்டமளிப்பு விழாவில், தனுஷும் ஐஸ்வர்யாவும் ஒரே மேடையில் கலந்து கொண்டது புதிய பரபரப்பை கிளப்பியுள்ளது. இந்த நிகழ்வின் புகைப்படங்கள் மற்றும் காணொளிகள் சமூக வலைதளங்களில் வேகமாக பரவி வருகின்றன. இதைத் தொடர்ந்து, “தனுஷ் – ஐஸ்வர்யா மீண்டும் ஒரு சேரப்போகிறார்களா?” என்ற கேள்விகள் எழுந்துள்ளன. மூத்த பத்திரிகையாளர் திண்டுக்கல் வெங்கடேஷ், ஒரு தனியார் யூடியூப் சேனலுக்கு அளித்த பேட்டியில், “யாத்ராவின் விழா வாயிலாக இருவரும் சந்தித்தது ரஜினிகாந்திற்கு மிகுந்த மகிழ்ச்சியை கொடுத்தது. தந்தையாக அவர் பெற்ற வலி அதனால் குறைந்திருக்கலாம். தற்போது மீண்டும் சேர்வதற்கான அறிகுறிகள் தென்படுகின்றன,” எனத் தெரிவித்தார்.

மேலும் அவர் கூறுகையில், “தனுஷின் வளர்ச்சியில் ஐஸ்வர்யாவின் பங்களிப்பு அதிகம். தனுஷ் ஹிட் படங்களை கொடுக்க ஆரம்பித்ததும், பார்ட்டிகளில் அதிகமாக கலந்து கொள்ளத் தொடங்கினார். அதை ஐஸ்வர்யா சாதாரணமாக எடுத்துக்கொண்டாலும், பின்னர் சில குழப்பங்கள் உருவாயின. தனுஷை வைத்து ஐஸ்வர்யா இயக்க திட்டமிட்ட படம் திட்டமாதி போனது அவருக்கு வருத்தத்தை ஏற்படுத்தியது. சில நபர்கள் இந்த இடைவெளியில் சென்று இருவருக்கிடையிலான உறவை பாதித்தனர். ஆனால் இப்போது மீண்டும் இணைவதற்கான வாய்ப்பு உள்ளது,” என்றார். தற்போதைய சூழ்நிலையில், மீண்டும் இணைந்தால் தமிழ் சினிமா ரசிகர்களுக்கு அது ஒரு சந்தோஷச் செய்தியாக அமையும்.