அது போன்ற படங்கள் எடுப்பது மிகவும் கடினம்… இயக்குநர் பாண்டிராஜ் உடைத்த ரகசியம்!

பாண்டிராஜ் இயக்கத்தில் விஜய் சேதுபதி மற்றும் நித்யா மேனன் நடித்துள்ள புதிய திரைப்படம் ‘தலைவன் தலைவி’. மண்மணம் மாறாத கிராமத்து கதைக்களத்தில் உருவாகியிருக்கும் இப்படம் வரும் ஜூலை 25ஆம் தேதி திரையரங்குகளில் வெளியிடப்பட உள்ளது. இப்படத்தின் இசை வெளியீட்டு விழா அண்மையில் நடைபெற்றது. இந்த விழாவில் இயக்குநர் பாண்டிராஜ் நிகழ்த்திய உரை பலரின் கவனத்தை ஈர்த்துள்ளது. அவர் கூறியதாவது:

“குடும்ப படம் என்றாலே சிலர் உடனே அதை சீரியல் மாதிரி கிரிஞ்ஞாக இருப்பதாக கூறிவிடுகிறார்கள். கொஞ்சம் கவனிக்காத போதும் அது சீரியலாகவே மாறும் என்பதும் உண்மை தான். அப்படியான குடும்ப கதைகள் எடுத்துப் பார்ப்பது சுலபம் அல்ல. ‘கடைகுட்டி சிங்கம்’ வெற்றி பெற்ற பிறகு, சிவகார்த்திகேயன் என்னிடம் ‘இப்படி ஒரு குடும்பக் கதையை எனக்கும் செய்யுங்கள்’ என்று கேட்டார். அதில் இருந்தே உருவானது ‘நம்ம வீட்டு பிள்ளை’.

இப்போது ‘தலைவன் தலைவி’ வெற்றிபெற்றால், பல ஹீரோக்கள் இப்படிப் பட்ட ஒரு திரைப்படத்தில் நடிக்க விருப்பம் தெரிவிப்பார்கள். ‘தலைவன் தலைவி’ என்பது எல்லோருக்கும் ஒத்துப் போகக்கூடிய ஒரு குடும்ப படமாக இருக்கும்,” என தெரிவித்துள்ளார். இந்தக் குடும்பக் கதையை திரையில் காண ரசிகர்கள் எதிர்பார்ப்புடன் காத்திருக்கின்றனர்.