தனுஷ் நடிப்பில் உருவாகும் இளையராஜாவின் வாழ்க்கை படம் துவக்கம்..!!

தனுஷ் நடிப்பில் உருவாகும் இளையராஜாவின் வாழ்க்கை படம் சென்னையில் இன்று பூஜையுடன் துவங்கியுள்ளது.

தமிழ் சினிமாவில் ‛அன்னக்கிளி’ என்ற படத்தின் மூலம் அறிமுகமாகி இன்று இசை உலகின் ராஜாவும் பல இளம் இசைமைப்பாளர்கள் குருவாக கும்பிடும் ‛இசைஞானியாக’ வலம் வருபவர் தான் இளையராஜா.

திட்டத்தட்ட 1400 படங்களுக்கு மேல் இசையமைத்துள்ள இவர் இன்றும் பல படங்களுக்கு மிகவும் பிஸியாக இசையமைத்து வருகிறார். இதுவரை பல்லாயிர கணக்கான சூப்பர் ஹிட் பாடல்களை கொடுத்துள்ள இளையராஜாவை கொண்டாடும் வகையில் அவரது வாழ்க்கை தற்போது படமாக்கப்பட உள்ளது.

இதற்கான பூஜையும் சென்னையில் இன்று நடைபெற்றுள்ள நிலையில் ஏரளமான பிரபலங்கள் பங்கேற்றுள்ளனர்.

இளையராஜாவின் வாழ்க்கை கதையில் உருவாகும் இப்படத்தில் அவரது வேடத்தில் குளோபல் ஸ்டார் தனுஷ் நடிக்க, அருண் மாதேஸ்வரன் படத்தை இயக்க உள்ளார் . இதுமட்டுமின்றி இப்படத்திற்கு இளையராஜாவே இசையமைக்கிறார்.

படத்தின் துவக்க விழாவில் தனுஷ், அருண் மாதேஸ்வரன் தவிர்த்து இளையராஜா, கமல்ஹாசன், கங்கை அமரன், சந்தானபாரதி, ஆர்வி உதயகுமார், வெற்றிமாறன் உள்ளிட்ட பல திரைப்பிரபலங்களும் பங்கேற்றனர்.

இன்று இப்படத்திற்கு பூஜை போடப்பட்டுள்ள நிலையில் ஆகஸ்ட் முதல் இப்படத்தின் படப்பிடிப்பு துவங்கும் என தெரிவிக்கப்பட்டுள்ளது .