ரசிகர்களிடம் FDFS ரிவ்யூ கேட்பதற்கு கட்டுப்பாடுகளுடன் அனுமதியுங்கள் – இயக்குநர் சீனு ராமசாமி..!!

FDFS ரிவ்யூகளுக்கு தடை விதிக்காமல் அதற்கு சில கட்டுப்பாடுகளுடன் திரையரங்கு வாசலில் விமர்சனம் எடுக்க அனுமதியுங்கள் என தயாரிப்பாளர் சங்கத்திற்கு இயக்குனர் சீனு ராமசாமி கோரிக்கை விடுத்துள்ளார்.

அன்மையில் நடைபெற்ற நிகழ்ச்சி ஒன்றில் கலந்துகொண்டு பேசிய இயக்குநர் சீனு ராமசாமி கூறியதாவது :

விமர்சனங்களை பார்த்துவிட்டு திரையரங்குக்கு செல்ல மாட்டேன். ஆனால் திரையரங்கில் சென்று படம் பார்த்துவிட்டு அனைத்து விமர்சனங்களையும் படிப்பேன் நான் நினைக்கின்றது சரியா என்று பார்ப்பேன். என்னுடைய நண்பர் ஒருவர் ரஜினியின் முத்து படம் நன்றாக இல்லை என்று கூறினார். அதனாலே இரண்டு மூன்று நாட்கள் படம் பார்க்காமல் விட்டு விட்டேன். ஆனால் திரையரங்கிற்கு சென்று பார்த்த பிறகு அந்த படம் எனக்கு மிகவும் பிடித்திருந்தது.

அப்பொழுது ஒரு முடிவு செய்தேன் யார் பேச்சையும் கேட்டு சினிமா பார்க்கக்கூடாது என்று… அப்போதும் இப்போதும் நான் படம் பார்த்த பிறகு 15 விமர்சனங்களை படிப்பதுண்டு. சில கட்டுப்பாடுகளுடன் திரையரங்கு வாசலில் விமர்சனம் எடுப்பதற்கு அனுமதிக்க வேண்டும் என்று தயாரிப்பாளர் சங்கத்திற்கு கோரிக்கை வைக்கிறேன் என இயக்குநர் சீனு ராமசாமி தெரிவித்துள்ளார்.

மேலும் பேசிய அவர் விமர்சனங்கள் இல்லை என்றால் சிறிய படங்கள் மக்கள் கவனத்திற்கு வராமல் போய்விடும் அதற்காகவே FDFS ரிவ்யூகளுக்கு தடை விதிக்காமல் அதற்கு சில கட்டுப்பாடுகளுடன் திரையரங்கு வாசலில் விமர்சனம் எடுக்க அனுமதியுங்கள் என தெரிவித்துள்ளார்.