💣 ₹59.5 Crore Day 1! Akhanda 2-க்கு ரசிகர்கள் தந்த Mega Response 😱🔥

நந்தமூரி பாலகிருஷ்ணா நடிப்பில், இயக்குநர் போயபட்டி ஸ்ரீனு இயக்கியுள்ள ‘அகண்டா 2’ திரைப்படம் வெளியான முதல் நாளிலேயே பாக்ஸ் ஆபிஸில் மாபெரும் மாஸ் சாதனையை நிகழ்த்தியுள்ளது. உலகம் முழுவதும் முதல் நாளில் மட்டும் சுமார் ₹59.5 கோடி வசூல் செய்து, திரையுலக வட்டாரங்களையும் ரசிகர்களையும் ஒரே நேரத்தில் ஆச்சரியத்தில் ஆழ்த்தியுள்ளது.

குறிப்பாக தெலுங்கு மாநிலங்களில் படம் பெற்ற வரவேற்பு எதிர்பார்ப்பை மீறிய அளவில் இருந்து, பாலகிருஷ்ணாவின் ரசிகர்கள் திரையரங்குகளை திருவிழா களமாக மாற்றியுள்ளனர். கட்-அவுட்கள், பால் அபிஷேகம், விசில் சத்தம் என ரசிகர்களின் உற்சாகம் உச்சத்தைத் தொட்டது. அதிரடி ஆக்ஷன் காட்சிகள், ஆன்மிக அம்சங்களுடன் கூடிய கதைக்களம், பவர் பாக்கிங் டயலாக்ஸ் ஆகியவை ரசிகர்களிடையே பெரும் பேசுபொருளாக மாறியுள்ள நிலையில், ‘அகண்டா 2’ வரும் நாட்களிலும் வசூல் சாதனைகளை தொடர்ந்து முறியடிக்கும் என திரையுலக வணிக நிபுணர்கள் கணிக்கின்றனர்.