விஜய்யை சந்தித்த சூர்யா சேதுபதி – “உங்கள் ஆதரவை நான் மறக்க மாட்டேன்” என உருக்கமான பதிவு..

நடிகர் விஜய் சேதுபதியின் மகன் சூர்யா சேதுபதி, ஹீரோவாக திரையுலகில் அறிமுகமாக உள்ளார். அவர் நடித்துள்ள பீனிக்ஸ் திரைப்படம் நாளை திரையரங்குகளில் வெளியாக உள்ளது. இந்த படத்தின் ப்ரோமோஷன் வேலைகளை படக்குழுவினர் தீவிரமாக செய்து வருகின்றனர்.

இந்த ப்ரோமோஷன் நிகழ்ச்சிகளில் நடிகர் விஜய் சேதுபதியும் கலந்து கொண்டு மகனுக்கு உறுதுணையாக இருக்கிறார். சமீபத்தில் அளித்த ஒரு பேட்டியில் சூர்யா, நடிகர் விஜய்யின் தீவிர ரசிகன் என்றும், அவரது மெர்சல் திரைப்படத்தை 30 முறைக்கும் மேல் பார்த்ததாகவும் தெரிவித்துள்ளார்.

இந்நிலையில் இன்று நடிகர் விஜய் மற்றும் பீனிக்ஸ் பட இயக்குநர் அனல் அரசு ஆகியோர் நடிகர் விஜய்யை நேரில் சந்தித்துள்ளனர். இந்த சந்திப்புக்குப் பிறகு, சூர்யா சேதுபதி தனது சமூக வலைதள பக்கத்தில், “நன்றி விஜய் சார். அன்பான வார்த்தைகளுக்கும், அக்கறைக்கும் நன்றி. உங்களை நான் எப்போதும் வியப்புடன் பார்த்திருக்கிறேன். என் பயணத்தில் நீங்கள் அளித்த ஆதரவை நான் மறக்கமாட்டேன் தளபதி” என பதிவிட்டுள்ளார்.