அட்டகாசமாக வந்தது ஜனநாயகன் ஃபஸ்ட் அப்டேட்… விஜய் ரசிகர்கள் பாண்டிகைக்கு ரெடியா?

தமிழ் சினிமாவில் விஜய், பல ஆண்டுகளாக தனது வெற்றிப் படங்களின் மூலம் முன்னணியில் ராஜ்ஜியம் செய்து வருகிறார். திருவிழா இல்லை என்றாலும், அவரது படம் திரையரங்குகளில் வெளியாகும் தருணம், ரசிகர்களுக்கு ஒரு பெரிய திருவிழாவாகவே மாறுகிறது.

‘லியோ’ படத்தைத் தொடர்ந்து, விஜய் தனது கடைசி படமாக கருதப்படும் ‘ஜனநாயகன்’ திரைப்படத்தில் நடித்துள்ளார். இந்தப் படத்தின் படப்பிடிப்பு சமீபத்தில் முழுமையாக நிறைவடைந்தது. ‘ஜனநாயகன்’ திரைப்படம், வரும் 2026ஆம் ஆண்டு பொங்கலுக்கு திரையரங்குகளில் வெளியாக உள்ளது. இதனை எதிர்நோக்கி விஜய் ரசிகர்கள் மிகுந்த உற்சாகத்துடன் காத்திருக்கின்றனர்.

இந்த நிலையில், ஜூன் 22ஆம் தேதி விஜய்யின் பிறந்தநாள் நடைபெறவுள்ளதால், அவரது புதிய படமான ‘ஜனநாயகன்’ குறித்த அப்டேட் வெளியாகுமா என்ற எதிர்பார்ப்பு ரசிகர்களிடையே அதிகரித்தது. ரசிகர்களின் அந்த எதிர்பார்ப்பை நிறைவேற்றும் வகையில், விஜய்யின் பிறந்த நாளன்று, ஜூன் 22ஆம் தேதி நள்ளிரவு 12 மணிக்கு ‘ஜனநாயகன்’ திரைப்படத்தின் முதல் பாடல் வெளியாக உள்ளதாக அதிகாரப்பூர்வ அறிவிப்பு வெளியிடப்பட்டுள்ளது. இந்த அறிவிப்பால், விஜய் ரசிகர்கள் பெரும் மகிழ்ச்சியில் உள்ளனர்.

#JanaNayaganTheFirstRoar at 12AM on 22nd 🔥🔥🔥#Thalapathy @actorvijay na @hegdepooja #HVinoth @anirudhofficial @KvnProductions @_mamithabaiju #JanaNayagan pic.twitter.com/lsqlNDCFWr

— Jagadish (@Jagadishbliss) June 20, 2025