விடாமுயற்சி படத்தில் புதிய சிக்கல்: ஹாலிவுட் நஷ்டஈடு நோட்டீஸ்!

அஜித் நடிக்கும் “விடாமுயற்சி” படம், தொடக்கத்தில் பல காரணங்களால் தாமதம் அடைந்தது. இந்த படத்தின் ஷூட்டிங் இந்தியா மட்டுமின்றி அசர்பைஜான் நாட்டிலும் பெரிய அளவில் நடந்துள்ளது. “விடாமுயற்சி” படம் மகிழ் திருமேனி இயக்கத்தில் உருவாகி, அடுத்த வருடம் பொங்கல் ஸ்பெஷலாக ரிலீசாகும் என சமீபத்தில் வெளியாகிய டீசரில் அறிவிக்கப்பட்டது.

படத்தின் கதை, ஹாலிவுட் படமான “Breakdown” என்பதன் நகலாக இருப்பதாக கூறப்படுகிறது. அதற்கான உரிமையை படக்குழு வாங்காமல் படமாக்கியதாகவும், தற்போது அந்த ஹாலிவுட் படத்தை தயாரித்த நிறுவனம் நஷ்டஈடு கேட்டு நோட்டீஸ் அனுப்பியதாகவும் தகவல் வெளியாகியுள்ளது. 150 கோடி ரூபாய் நஷ்டஈடு கேட்கப்பட்டுள்ளதாக பிரபல பத்திரிகையாளரான வலைப்பேச்சு பிஸ்மி தெரிவித்துள்ளார்கள்.