வெற்றிமாறன் – சிம்பு கூட்டணியில் புதிய படம்: நடிகராக அறிமுகமாகும் நெல்சன் திலீப்குமார்..

பிரபல இயக்குநர் வெற்றிமாறன் தற்போது ஒரு புதிய திரைப்படத்தை இயக்கி வருகிறார். இந்த படத்தில் முன்னணி நடிகர் சிம்பு ஹீரோவாக நடிக்கிறார். முன்னதாக, வெற்றிமாறன் இயக்கத்தில் “விடுதலை 2” படத்தைத் தொடர்ந்து “வாடிவாசல்” படம் உருவாகும் என எதிர்பார்க்கப்பட்டது. ஆனால் தற்போது “வாடிவாசல்” படம் தாமதமடைவதாகவும், சில தகவல்களின் படி அது கைவிடப்பட்டதாகவும் கூறப்படுகிறது. எனினும், இதுகுறித்து எந்தவிதமான அதிகாரப்பூர்வ அறிவிப்பும் வெளியாகவில்லை.

இந்நிலையில், “வாடிவாசல்” படத்திற்கு பதிலாக, தயாரிப்பாளர் கலைப்புலி எஸ். தாணு தயாரிப்பில் வெற்றிமாறன் வேறு ஒரு புதிய படத்தை இயக்கத் தொடங்கியுள்ளார். இந்த புதிய திரைப்படத்தில் சிம்பு நாயகனாக நடித்துக் கொண்டிருக்கிறார். இந்தப் படத்தின் படப்பிடிப்பு தற்போது தொடங்கியுள்ளது.

மேலும், இந்தப்படத்தின் மூலம் பிரபல இயக்குநர் நெல்சன் நடிகராக அறிமுகமாகியுள்ளார். “கோலமாவு கோகிலா”, “டாக்டர்”, “பீஸ்ட்”, “ஜெயிலர்” உள்ளிட்ட வெற்றிப் படங்களை இயக்கிய நெல்சன், தற்போது “ஜெயிலர் 2” படத்தின் இயக்கத்தில் இருந்து வருகிறார். அதே சமயம், வெற்றிமாறன் – சிம்பு கூட்டணியில் உருவாகும் இந்த புதிய படத்தில் அவர் முக்கிய கதாபாத்திரத்தில் நடிக்கிறார் என்பது குறிப்பிடத்தக்கது. இந்த படப்பிடிப்பு தளத்தில் எடுக்கப்பட்ட ஒரு புகைப்படம் தற்போது இணையத்தில் ரசிகர்கள் மத்தியில் வைரலாகி வருகிறது.