முதல் நாளில் தக் லைஃப் செய்த சாதனை – எவ்வளவு வசூல் தெரியுமா?

இந்த ஆண்டு பெரிதும் எதிர்பார்க்கப்பட்ட திரைப்படங்களில் ஒன்றாக இருந்தது தக் லைஃப். நாயகனாக கமல் ஹாசன் நடிப்பதுடன், இயக்குனர் மணி ரத்னம் இயக்கியிருப்பதால், இப்படத்தின் மீது ரசிகர்கள் மிகுந்த எதிர்பார்ப்பை வைத்திருந்தனர்.

இப்படத்தின் முக்கிய விசேஷம், முதன்முறையாக நடிகர் சிம்பு மற்றும் கமல் ஹாசன் இணைந்து நடித்துள்ளனர். இவர்கள் இருவரும் ஒரே திரையில் காணப்படுவதை உற்சாகமாக எதிர்நோக்கிய ரசிகர்களுக்கு இது ஒரு சந்தோஷமான நிகழ்வாக அமைந்தது. படத்தில் த்ரிஷா, அபிராமி, நாசர், ஜோஜு ஜார்ஜ் உள்ளிட்ட பல பிரபலங்கள் முக்கிய கதாப்பாத்திரங்களில் நடித்துள்ளனர். இசையை ஏ.ஆர். ரஹ்மான் அமைத்துள்ளார்.

பெரும் பட்ஜெட்டில் உருவாகிய இந்த திரைப்படம் நேற்று உலகம் முழுவதும் திரையரங்குகளில் வெளியானது. ஆனால், ரசிகர்களின் எதிர்பார்ப்பை முழுமையாக பூர்த்தி செய்யாததால் விமர்சனங்கள் சிலவற்றில் எதிர்மறையான கருத்துகள் வெளியாகின. இந்நிலையில், தக் லைஃப் திரைப்படம் உலகளவில் வெளியான முதல் நாளில் ரூ. 46 கோடிக்கு மேல் வசூல் செய்துள்ளதாக தகவல் வெளியாகியுள்ளது.

முதல் நாளில் இப்படத்திற்கு அமோக வரவேற்பு கிடைத்துள்ள நிலையில், வருகிற நாட்களில் இப்படத்தின் வெற்றிப் பயணம் எப்படி இருக்கப்போகிறது என்பதை காத்திருந்து பார்ப்போம்.