தனுஷின் குபேரா இறுதி வசூல் வெளியானது – வெற்றியா? தோல்வியா?

தெலுங்கு இயக்குநர் சேகர் கம்முலா இயக்கத்தில் தனுஷ் ஹீரோவாக நடித்த குபேரா திரைப்படம், கடந்த மாதம் 20ம் தேதி திரையரங்குகளில் வெளியானது. இந்த படத்தை ஸ்ரீ வெங்கடேஸ்வரா சினிமாஸ் எல்.எல்.பி மற்றும் அமிகோஸ் கிரியேஷன்ஸ் ஆகிய நிறுவனங்கள் இணைந்து தயாரித்திருந்தன.

இந்தப் படத்தில் ராஷ்மிகா மந்தனா, நாகார்ஜுனா மற்றும் ஜிம் ஸார்ப் ஆகியோர் முக்கிய கதாபாத்திரங்களில் நடித்திருந்தனர். இப்படத்திற்கு இசையமைப்பை தேவி ஸ்ரீ பிரசாத் வழங்கியிருந்தார். பெரிதும் எதிர்பார்க்கப்பட்டு வெளியான குபேரா, தமிழ்நாட்டில் சுமாரான வரவேற்பையே பெற்றது. ஆனால் தெலுங்கு மொழி பகுதியிலோ இந்த படம் மிகப்பெரிய வரவேற்பை பெற்றது. உலகளாவிய ரீதியிலும் நல்ல வரவேற்பைப் பெற்றது.

தற்போது, குபேரா திரைப்படம் உலகம் முழுவதும் ரூ. 136 கோடி வசூல் செய்து வெற்றிபெற்றுள்ளதாக தகவல் வெளியாகியுள்ளது. ஆனால், தமிழ்நாட்டில் மட்டும் இப்படம் ரூ. 25 கோடி மட்டுமே வசூல் செய்து, எதிர்ப்பார்த்த அளவிற்கு ஓடவில்லை என்றே சொல்லப்படுகிறது.