அந்த தப்ப மட்டும் பண்ணிடாதீங்க நண்பர்களே : சென்னையில் புத்தாண்டு கொண்டாட்டங்களுக்கு கடும் கட்டுப்பாடு..!!

எதிர்வரும் 2024-ஆம் ஆண்டு புத்தாண்டை கோலாகலமாக கொண்டாட அனைவரும் ஆவலுடன் காத்திருக்கும் காத்திருக்கும் நிலையில் புத்தாண்டு கொண்டாட்டங்களுக்கு கட்டுப்பாடு விதித்து சென்னை காவல்துறை அறிக்கை வெளியிட்டுள்ளது.

இதுகுறித்து சென்னை மாநகர காவல்துறை விடுத்துள்ள அறிக்கையில் கூறிருப்பதாவது :

• சென்னை முழுவதும் டிசம்பர் 31 இரவில் சுமார் 15,000 போலீசார் பாதுகாப்புப் பணியில் ஈடுபடுகின்றனர்.

• புத்தாண்டு கேளிக்கை நிகழ்ச்சிகள் அனுமதிக்கப்பட்ட அரங்கத்திலேயே நடத்தப்பட வேண்டும்.

• கொண்டாட்டத்திற்காக நீச்சல் குளத்தின் மீதோ, அதற்கு அருகிலோ மேடை அமைக்கக் கூடாது.

• கேளிக்கை நிகழ்ச்சிகளின்போது பெண்களை கேலி செய்வதை தடுக்க பாதுகாப்பு ஊழியர்களை நியமிக்க உத்தரவு.

• கேளிக்கை நிகழ்ச்சிகளின்போது பெண் பாதுகாவலர்களையும் நியமிக்க வேண்டும்.

• சென்னையில் புத்தாண்டு முதல் நாள் இரவு 9 மணி முதல் மறுநாள் காலை வரை 400 இடங்களில் வாகனத் தணிக்கை.

• சென்னையில் பைக் ரேஸ் நடைபெறுவதை தடுக்க 20 கண்காணிப்பு சோதனைக் குழுக்கள் அமைக்கப்பட்டுள்ளன.

• விதிமுறைகளை மீறும் ஹோட்டல்கள் மீது கடும் நடவடிக்கை எடுக்கப்படும் என சென்னை மாநகர காவல்துறை வெளியிட்டுள்ள அறிக்கையில் தெரிவிக்கப்பட்டுள்ளது.