Featured
சிவகார்த்திகேயனுடன் அடுத்த படம்! வெங்கட் பிரபு கொடுத்த செம அப்டேட்..
தமிழ் சினிமாவில் முன்னணி நடிகராக உயர்ந்துள்ள சிவகார்த்திகேயன் தற்போது புகழின் உச்சியில் வலம் வருகிறார். இவர் தற்போது இரண்டு முக்கியமான திரைப்படங்களில் நடித்து வருகிறார். அவை ‘மதராசி’ மற்றும் ‘பராசக்தி’.
முருகதாஸ் இயக்கியுள்ள ‘மதராசி’ திரைப்படம் செப்டம்பர் மாதம் வெளியாக உள்ளது. இதைத் தொடர்ந்து, அடுத்த ஆண்டு பொங்கல் திருவிழாவை முன்னிட்டு ‘பராசக்தி’ திரைப்படம் வெளியிடப்படும் என எதிர்பார்க்கப்படுகிறது. எனினும், இதுவரை இப்படம் குறித்து அதிகாரப்பூர்வமான அறிவிப்பு எதுவும் வெளியாகவில்லை.
இந்நிலையில், நடிகர் சிவகார்த்திகேயன் அடுத்து இயக்குநர் வெங்கட் பிரபுவுடன் கூட்டணி சேர்ந்துள்ளார் என்ற தகவல் வெளியாகியுள்ளது. சமீபத்தில் நடைபெற்ற ‘தலைவன் தலைவி’ படத்தின் இசை வெளியீட்டு விழாவில், இயக்குநர் வெங்கட் பிரபு பேசும் போது, “சிவகார்த்திகேயனுடன் தனது அடுத்த படத்தின் படப்பிடிப்பு அக்டோபர் மாதத்தில் தொடங்கும்” என அறிவித்தார்.
இதனால், இந்த புதிய கூட்டணியைப் பார்த்து ரசிகர்கள் மிகுந்த உற்சாகத்துடன் எதிர்பார்க்கின்றனர். மேலும், சிவகார்த்திகேயன் ஏற்கனவே வெங்கட் பிரபு இயக்கிய ‘GOAT’ திரைப்படத்தில் கேமியோ வேடத்தில் நடித்திருந்தது குறிப்பிடத்தக்கது.
