ராணுவ உடையில் வந்து மனைவிக்கு பிறந்தநாள் வாழ்த்து கூறிய சிவகார்த்திகேயன் – வைரல் வீடியோ..!!

அமரன் திரைப்படம் திரையரங்குகளில் கம்பீரமாக வெற்றி நடைபோட்டு வரும் நிலையில் நடிகர் சிவகார்த்திகேயன் தனது மனைவிக்கு ராணுவ உடையில் வந்து பிறந்தநாள் வாழ்த்து கூறியுள்ள வீடியோ இணையத்தில் செம வைரலாகி வருகிறது.

தமிழ்நாட்டை சேர்ந்த மேஜர் முகுந்த் வரதராஜனின் வாழ்க்கையை மையமாக வைத்து எடுக்கப்பட்ட திரைப்படமே அமரன் . ராஜ்கமல் பிலிம்ஸ் தயாரிப்பில் ராஜ்குமார் இயக்கத்தில் பல வருடங்களாக பார்த்து பார்த்து செதுக்கப்பட்ட இப்படத்தில் மேஜர் முகுந்த் வரதராஜனாக சிவகார்த்திகேயன் நடித்து அசத்தியுள்ளார்.

சிவகார்திகேயன் , சாய்பல்லவி உள்ளிட்ட பல முன்னணி நட்சத்திரங்களில் நடிப்பில் உருவான இப்படம் கடந்த மாதம் திரையரங்குகளில் வெளியாகி வசூல் ரீதியாகிவும் விமர்சன ரீதியாகவும் அமோக வரவேற்பை பெற்று மாபெரும் வெற்றிப்படமாக உருவெடுத்துள்ளது.

இந்நிலையில் சிவகார்த்திகேயனின் மனைவி ஆர்த்தி இன்று அவரது பிறந்தநாளை கொண்டாடி வரும் நிலையில் ஆர்த்தி முன் மிடுக்கான ராணுவ உடையில் சிவகார்த்திகேயன் வந்து நிற்கும் வீடியோவை பகிர்ந்து அவர் வாழ்த்து கூறியுள்ள வீடியோ தற்போது இணையத்தில் செம வைரலாக வலம் வருகிறது.

https://www.instagram.com/p/DCUSBPgycuC/