கூலி படத்திற்கு வெளிநாட்டு சந்தையில் மாபெரும் வரவேற்பு – ஆல் டைம் சாதனை படைத்த ரஜினி!

ரஜினிகாந்த் நடித்த, லோகேஷ் கனகராஜ் இயக்கத்தில் உருவான புதிய திரைப்படம் கூலி தற்போது ரசிகர்களுக்கு மிகுந்த எதிர்பார்ப்புடன் முன் வந்துள்ளது. சன் பிக்சர்ஸ் தயாரிப்பில் உருவான இப்படத்திற்கு அனிருத் இசையமைத்துள்ளார். இதில் ரஜினிகாந்துடன் இணைந்து ஸ்ருதி ஹாசன், சத்யராஜ், ஷோபின் ஷபீர், நாகர்ஜுனா, உபேந்திரா போன்ற முக்கிய நடிகர்கள் நடித்துள்ளனர்.

பிரம்மாண்ட பட்ஜெட்டில் உருவாகிய இந்த படம், படப்பிடிப்பு பணிகள் முடிந்து இறுதிக் கட்ட தயாரிப்பில் உள்ளது. ஆகஸ்ட் 14-ம் தேதி இது திரையரங்குகளில் வெளியாகும் என அறிவிக்கப்பட்டுள்ளது. இதற்கிடையில், கூலி திரைப்படத்தின் ப்ரீ பிசினஸ் மிகச் சிறப்பாக நடைபெற்று வருகிறது. OTT, ஸ்டார்டிலைட், ஆடியோ உரிமைகள் ஆகியவை ஏற்கனவே விற்பனை செய்யப்பட்டுள்ள நிலையில், இப்படத்தின் வெளிநாட்டு உரிமை குறித்து புதிய தகவல் வெளியாகியுள்ளது.

படத்தின் வெளிநாட்டு உரிமையை வாங்குவதற்காக பல நிறுவங்கள் தீவிர போட்டியில் ஈடுபட்டு வருகின்றன. ரூபாய் 80 கோடி வரை கொடுத்து கூட உரிமையை வாங்க தயாராக உள்ளனர் என்று தகவல் வெளியாகியுள்ளது. தமிழ் சினிமாவில் இதுவரை வெளிநாட்டு உரிமைக்கு இத்தனை பெரிய தொகை கொடுக்கப்படவில்லை. இதன் மூலம் ரஜினிகாந்த் திரைப்படம் புதிய சாதனையை படைத்துள்ளதாக தெரிவிக்கப்படுகிறது.