போர் தொழில் இயக்குநருடன் கைகோர்க்கும் தனுஷ்; ஹீரோயின் மமிதா பைஜூ – ஷூட்டிங் தேதி வெளியானது!

2023-ம் ஆண்டு வெளிவந்து மாபெரும் வெற்றியடைந்த திரைப்படம் “போர் தொழில்”. இப்படத்தை இளம் இயக்குநரான விக்னேஷ் ராஜா இயக்கியிருந்தார். இப்படம் வெற்றிபெற்றதைத் தொடர்ந்து, தற்போது இயக்குநர் விக்னேஷ் ராஜா, முன்னணி நடிகர் தனுஷுடன் கூட்டணி அமைத்துள்ளார்.

“போர் தொழில்” திரைப்படம் வெற்றியடைந்த பிறகு, விக்னேஷ் ராஜாவை தனுஷ் நேரில் அழைத்து சந்தித்து அவரது கதையை கேட்டார். கதையில் நம்பிக்கை ஏற்பட்டதையடுத்து, உடனடியாக தனுஷ் இப்படத்தில் நடிக்க ஒப்புக்கொண்டார். மேலும், இப்படத்தில் கதாநாயகியாக இளம் சென்சேஷனல் நடிகை மமிதா பைஜூ தேர்வாகியுள்ளார் என்பது குறித்த தகவல் ஏற்கனவே வெளியானது. தற்போது அந்த தகவல் உறுதியாகியுள்ளது என கூறப்படுகிறது.

இந்நிலையில், விக்னேஷ் ராஜா மற்றும் தனுஷ் கூட்டணியில் உருவாகவுள்ள புதிய திரைப்படத்தின் பூஜை, வருகிற வியாழக்கிழமை நடைபெறவுள்ளதாக தகவல்கள் தெரிவிக்கின்றன. இது தனுஷ் ரசிகர்கள் மற்றும் சினிமா ரசிகர்களிடையே பெரும் எதிர்பார்ப்பை ஏற்படுத்தியுள்ளது. இப்படம் “போர் தொழில்” போல் ஒரு திரில்லராக உருவாகுமா அல்லது புதிய வகை (ஜானர்) கதையம்சத்துடன் வெளிவரும் எனும் எதிர்பார்ப்பு தற்போது நிலவி வருகிறது.