பறந்து போ படம் 5 நாட்களில் செய்த வசூல் எவ்வளவு தெரியுமா?

18 ஆண்டுகளாக சினிமாவில் இயக்குநராக பயணித்து வரும் ராம், தனது திரை பயணத்தை “கற்றது தமிழ்” படத்தின் மூலம் துவங்கினார். அதன் பிறகு “தங்க மீன்கள்”, “தரமணி” மற்றும் “பேரன்பு” ஆகிய திரைப்படங்களை இயக்கினார்.

இவரது ஐந்தாவது இயக்கப் படமாக வெளிவந்தது “பறந்து போ” திரைப்படமாகும். இந்த படத்தில் மிர்ச்சி சிவா முதன்முறையாக ராமின் இயக்கத்தில் நடித்துள்ளார். மேலும், மலையாள நடிகை கிரேஸ் ஆண்டனி தமிழ் சினிமாவில் கதாநாயகியாக அறிமுகமானார்.

கடந்த வாரம் திரைக்கு வந்த “பறந்து போ” படம் உலகளவில் நல்ல வரவேற்பைப் பெற்றுள்ளது. நேற்று இப்படத்தின் வெற்றியை கொண்டாடும் நிகழ்வாக படக்குழு பத்திரிக்கையாளர்களை சந்தித்து நன்றியை தெரிவித்தனர். மக்களால் பெருமளவு வரவேற்கப்பட்ட “பறந்து போ” படம் 5 நாட்களுக்கு வெற்றிகரமாக பாக்ஸ் ஆபிஸில் கடந்து வருகிறது. இதுவரை இப்படம் ரூ. 4.5 கோடி வசூல் செய்துள்ளதாக தகவல் வெளியாகியுள்ளது.