லோகேஷ் கனகராஜ் – அமீர் கான் கூட்டணி உறுதி… சூப்பர் ஹீரோ கதையா?

இயக்குநர் லோகேஷ் கனகராஜ் தற்போது சூப்பர் ஸ்டார் ரஜினிகாந்த் நடித்துவரும் ‘கூலி’ திரைப்படத்தை இயக்கி வருகிறார். இந்தப் படத்தின் படப்பிடிப்பு முடிந்து, இறுதிக்கட்ட பணிகள் தற்போது வேகமாக நடைபெற்று வருகின்றன. ‘கூலி’ படத்தை முடித்த பிறகு, லோகேஷ் தனது முன்னைய வெற்றி திரைப்படமான ‘கைதி’யின் இரண்டாம் பாகத்தை இயக்கவுள்ளார் என தகவல்கள் தெரிவிக்கின்றன.

இந்நிலையில், பாலிவுட் நடிகர் அமீர்கான் ஒரு பேட்டியில் பேசும் போது, இயக்குநர் லோகேஷ் கனகராஜ் உடன் புதிய ஒரு திரைப்படத்தில் இணைவதற்கான திட்டம் இருப்பதை உறுதி செய்தார். 2026ஆம் ஆண்டு தொடங்கவுள்ள இந்தப் படம் ஒரு சூப்பர் ஹீரோ கதையாக உருவாகும் என்றும் அவர் தெரிவித்துள்ளார்.

இதன் அடிப்படையில், ‘கைதி 2’ படத்தை முடித்த பின்னர், லோகேஷ் கனகராஜ் – அமீர்கான் கூட்டணியில் உருவாகும் ஒரு பிரம்மாண்ட திரைப்படம் திரையுலகில் அடுத்த பெரிய முயற்சியாக இருக்கும் என எதிர்பார்க்கப்படுகிறது.