6 நாள் முடிவில் ‘தக் லைஃப்’ வசூல்… கமல்ஹாசன் படத்துக்கு ஏற்பட்ட இழப்பு எவ்வளவு?

மணிரத்னம் இயக்கிய படம் என்றாலே அதற்கு ஒரு தனி வரவேற்பு இருப்பது வழக்கம். பல வருடங்களுக்கு பிறகு, அவர் கமல்ஹாசனுடன் இணைந்து உருவாக்கிய ‘தக் லைஃப்’ என்ற படம், ரசிகர்களிடையே மிகுந்த எதிர்பார்ப்பை ஏற்படுத்தியது. இந்த படத்தில் கமல்ஹாசன், சிம்பு, த்ரிஷா, அபிராமி உள்ளிட்ட பலர் முக்கிய கதாப்பாத்திரங்களில் நடித்துள்ளனர்.

‘தக் லைஃப்’ கடந்த ஜூன் 5ம் தேதி திரைக்கு வந்தது. தமிழ், தெலுங்கு, கன்னடம், மலையாளம் மற்றும் ஹிந்தி உள்ளிட்ட ஐந்து மொழிகளில் படம் வெளியாகியுள்ளது. ஆனால், கர்நாடகா மாநிலத்தில் மட்டும் இதுவரை படம் வெளியிடப்படவில்லை. படம் வெளியான முதல் நாளிலிருந்தே, சமூக வலைதளங்கள் மற்றும் விமர்சகர்கள் மத்தியில் எதிர்மறையான விமர்சனங்களை எதிர்கொண்டுள்ளது. ரசிகர்களிடம் பெரிய எதிர்பார்ப்பை ஏற்படுத்தியிருந்த இப்படம், விமர்சன ரீதியாக பெரிதாக வரவேற்பு பெறவில்லை.

இதன் காரணமாக, படம் வசூல் ரீதியாகவும் பெரிதாக முன்னேறவில்லை. வெளியாகி ஆறாவது நாளில் இப்படம் மொத்தம் ரூ. 84 கோடி மட்டுமே வசூலித்துள்ளதாக தகவல் வெளியாகியுள்ளது. இந்த நிலைமை படக்குழுவிற்கு பெரும் அதிர்ச்சியாக அமைந்துள்ளது.