11 ஆண்டுகளுக்குப் பின் ரஜினியின் ஜெயிலர் 2வில் இணையும் காமெடி நடிகர்..

சூப்பர்ஸ்டார் ரஜினிகாந்த் நடிப்பில் அடுத்த படம் கூலி. இப்படத்தை லோகேஷ் கனகராஜ் இயக்கி வருகிறார். படப்பிடிப்பு முடிந்து, தற்போது இறுதிக் கட்ட தயாரிப்பு பணிகள் நடைபெற்று வருகிறது.

பிறகு, ரஜினிகாந்த் நடிப்பில் வரும் ஜெயிலர் 2 படத்திலும் வேலை புரிந்து வருகிறார். இந்த படத்தில் நடிகர் சிவராஜ்குமார், மோகன்லால் கேமியோ ரோலில் நடிக்கின்றனர். இப்போது அதிரடி அப்டேட் வெளியாகியுள்ளது. ஜெயிலர் 2 படத்தில் காமெடியனாக சந்தானம் இணைகிறார் என்ற தகவல் இணையத்தில் பரவி வருகிறது.

சந்தானம் கடந்த சில ஆண்டுகளாக ஹீரோ ரோல்களில் நடித்து வந்தார். ஆனால் சமீபத்தில் சிம்புவின் எஸ்.டி.ஆர்.49 படத்திற்காக மீண்டும் காமெடியனாக கதாபாத்திரம் செய்துள்ளார். இதனால், ரஜினிகாந்த் படத்தில் சந்தானம் இணைந்து 11 வருடங்களுக்கு பின் மீண்டும் இணைந்து நடிக்கவுள்ளதாக கூறப்படுகிறது. ஆனால், இதற்கு அதிகாரப்பூர்வ அறிவிப்பு இன்னும் வெளியாகவில்லை.