சந்தானம் நடிக்கும் ‘இங்க நான் தான் கிங்கு’ திரைப்படத்தின் ரிலீஸ் தேதியை அறிவித்தது படக்குழு..!!!

நடிகர் சந்தானம் நடிக்கும் ‘இங்க நான் தான் கிங்கு’ திரைப்படத்தின் ரிலீஸ் தேதியை படக்குழு வெளியிட்டுள்ளது.

தமிழ் சினிமாவில் உச்சம் தொட்ட முன்னணி ஹீரோக்களின் நண்பனாக தனது திரைப்பயணத்தை தொடங்கியவர் நடிகர் சந்தானம் .

உச்ச நட்சத்திரங்கள் முதல் வளர்ந்து வரும் நடிகர்களின் படங்கள் வரை அனைத்திலும் காமெடியியல் கலக்கிய சந்தானம் இன்று தமிழ் திரையுலகில் கலக்கல் நாயகனாக வலம் வருகிறார்.

இந்நிலையில் நடிகர் சந்தானத்தின் நடிப்பில் தற்போது புதிதாக உருவாகி வரும் படம் தான் ‘இங்கு நான்தான் கிங்கு’ .

ஆனந்த் நாராயண் இயக்கும் இப்படத்தில் சந்தானத்துக்கு ஜோடியாக பிரியாலயா என்ற புதுமுக நடிகை நடிக்கிறார். மேலும் இவர்களுடன் தம்பி ராமையா, மறைந்த நடிகர் மனோபாலா, முனீஷ்காந்த், விவேக் பிரசன்னா, பாலசரவணன், ’லொள்ளு சபா’ மாறன், கூல் சுரேஷ் உள்ளிட்டோரும் முக்கிய கதாபாத்திரத்தில் நடித்துள்ளனர்.

இப்படத்திற்கு டி.இமான் இசையமைக்க கோபுரம் பிலிம்ஸ் இப்படத்தை மினிமம் பட்ஜெட்டில் தயாரிக்கிறது.

இந்நிலையில் இப்படம் குறித்த அப்டேட் கேட்டு ரசிகர்கள் அன்புத்தொல்லை செய்து வந்த நிலையில் தற்போது இப்படத்தின் ரிலீஸ் தேதியை படக்குழு வெளியிட்டுள்ளது.

அதன்படி ஆனந்த் இயக்கத்தில் சந்தானம் நடிக்கும் ‘இங்க நான் தான் கிங்கு’ திரைப்படம் மே 10ம் தேதி வெளியாகவுள்ளதாக படக்குழு அழகிய போஸ்டர் மூலம் அறிவித்துள்ளது.