வெற்றிநடை போடும் துல்கர் சல்மானின் ‘லக்கி பாஸ்கர்’ – லேட்டஸ்ட் வசூல் விவரத்தை வெளியிட்டது படக்குழு..!!

துல்கர் சல்மான் நடிப்பில் உருவாகி திரையரங்குகளில் வெற்றிநடை போட்டு வரும் ‘லக்கி பாஸ்கர்’ படத்தின் லேட்டஸ்ட் வசூல் விவரத்தை படக்குழு அதிகாரப்பூர்வமாக அறிவித்துள்ளது.

தென்னிந்திய திரையுலகில் இருக்கும் ஸ்டைலிஷ் நடிகர்களில் ஒருவராக வலம் வருபவர் நடிகர் துல்கர் சல்மான் . மலையாளம் , தமிழ் என பல மொழி படங்களில் கலக்கி வரும் இவரது நடிப்பில் தற்போது திரையரங்குகளில் வெளியான திரைப்படமே ‘லக்கி பாஸ்கர்’.

வெங்கி அட்லூரி இயக்கத்தில் உருவாகி உள்ள இப்படம் தமிழ், மலையாளம், தெலுங்கு, இந்தி என 4 மொழிகளில் தீபாவளி பண்டிகையை முன்னிட்டு உலகெங்கும் உள்ள திரையரங்குகளில் வெளியானது.

இப்படம் வெளியான நாள் முதல் நல்ல விமர்சனங்களை பெற்று வரும் நிலையில் தற்போது இப்படத்தின் வசூல் குறித்த விவரத்தை படக்குழு வெளியிட்டுள்ளது.

அதன்படி லக்கி பாஸ்கர் திரைப்படம் வெளியான 4 நாட்களில் உலகளவில் ரூ.55.4 கோடிக்கு மேல் வசூலித்துள்ளதாக படக்குழு சிறப்பு போஸ்டர் மூலம் அறிவித்துள்ளது.