டிராகன் படத்தின் வெற்றியை LIK படப்பிடிப்பில் கொண்டாட்டம்..

தமிழ் சினிமாவில் முன்னேறி வரும் நடிகர்களில் பிரதீப் ரங்கநாதன் முக்கியமானவர். இவர் நடிப்பில் சமீபத்தில் வெளியான “டிராகன்” திரைப்படம் பெரும் வெற்றியை பெற்றுள்ளது. உலகளவில் 7 நாட்களில் ரூ. 80 கோடிக்கு மேல் வசூல் செய்த இப்படம், விரைவில் ரூ. 100 கோடி வசூலை அடையக்கூடும் என கூறப்படுகிறது.

“டிராகன்” படத்தின் வெற்றியை “LIK” திரைப்பட குழுவினர் தங்களது படப்பிடிப்பு தளத்தில் கொண்டாடினர். இயக்குநர் விக்னேஷ் சிவன் இயக்கத்தில், பிரதீப் ரங்கநாதன், கீர்த்தி ஷெட்டி மற்றும் எஸ்.ஜே. சூர்யா ஆகியோர் நடித்துள்ள படம் “LIK Love Insurance Kompany”. இப்போது அதன் படப்பிடிப்பு மிகுந்த உற்சாகமாக நடைபெற்று வருகிறது.

இந்த நிலையில், “LIK” படக்குழுவினர், தங்களது ஹீரோ பிரதீப் ரங்கநாதனின் “டிராகன்” திரைப்படத்தின் வெற்றியை கேக் வெட்டி கொண்டாடியுள்ளனர். அந்த புகைப்படங்கள் தற்போது வெளியாகியுள்ளன.