ப்ளாக் பஸ்டர் இயக்குநர் லோகேஷ் கனகராஜின் சொத்து மதிப்பு எவ்வளவு?

மாநகரம் திரைப்படத்தின் மூலம் தமிழ் சினிமாவில் இயக்குநராக அறிமுகமான லோகேஷ் கனகராஜ், தனது முதல் படத்திலேயே வெற்றி கண்டார். பிறகு, கைதி என்ற ப்ளாக் பஸ்டர் வெற்றியுடன் அடுத்தடுத்த வெற்றிப் படங்களை கொடுத்தார். மாஸ்டர், விக்ரம், லியோ என தொடர்ந்து ஹிட் படங்களை இயக்கி வருகிறார்.

இப்போது, “கூலி” என்ற புதிய படத்தை இயக்கி வருகிறார். இதில், சூப்பர்ஸ்டார் ரஜினிகாந்துடன் அவர் முதல் முறையாக கைகோர்த்துள்ளார். இன்று, இயக்குநர் லோகேஷ் கனகராஜின் 39வது பிறந்தநாள். ரசிகர்கள் மற்றும் திரையுலக பிரபலங்கள் அவருக்கு வாழ்த்துகள் தெரிவித்து வருகிறார்கள்.

இதற்கு முன்னர், லோகேஷின் சொத்து மதிப்பு ரூ. 100 கோடியை கடந்துள்ளதாக தகவல் வெளியாகியுள்ளது. மேலும், அவர் ஒரு படத்தை இயக்க ரூ. 50 கோடி சம்பளம் பெறுவதாகவும் கூறப்படுகிறது. ஆனால், இவை எல்லாம் அதிகாரப்பூர்வமான தகவல்கள் அல்ல என்பது குறிப்பிடத்தக்கது.