அண்ணா யுனிவர்சிட்டி விவகாரம்: கோவில் சென்ற சிவகார்த்திகேயன் சொன்ன பதில்..

சிவகார்த்திகேயன், தன் திரைப்பயணத்தில் வெற்றிகரமான “அமரன்” திரைப்படத்தின் மூலம் பெரும் சாதனை அடைந்துள்ளார். விமர்சனங்கள், பாக்ஸ் ஆபிஸ் வருமானம் உள்ளிட்ட அனைத்து தரப்பிலும் மாபெரும் வெற்றியை எதிர்நோக்கியுள்ள இத்திரைப்படம் 2024ஆம் ஆண்டின் மிகப்பெரிய ஹிட் ஆகியுள்ளது. இது சிவகார்த்திகேயனின் கெரியரில் மிகப்பெரிய வெற்றியாக மாறியுள்ளது.

இப்போது, அவர் ஏ.ஆர்.முருகதாஸ் இயக்கத்தில் ஒரு படத்தில் நடித்து முடித்துள்ளார், அடுத்ததாக சுதா கொங்கரா இயக்கத்தில் “புறநானூறு” படத்தில் நடிக்கப்போகிறார்.

இந்த நிலையில், நடிகர் சிவகார்த்திகேயன் இன்று திருச்செந்தூர் முருகன் கோவிலுக்கு பிரார்த்தனைக்கு சென்ற போது, பத்திரிக்கையாளர்கள் அவரிடம் அண்ணா யுனிவர்சிட்டி சம்பவம் குறித்து கேள்வி எழுப்பினர். அதற்கு அவர், இப்படியான பிரச்சனைகள் நடக்க கூடாது என்று கூறி, இந்த விவகாரத்தில் காவல்துறையினர் சிறப்பாக செயல்பட்டு வருவதாக குறிப்பிட்டார். மேலும், பாதிக்கப்பட்ட பெண்ணின் பக்கம் அனைவரும் இருப்பது முக்கியம் என்றும் அவர் தெரிவித்தார்.