1800 கோடி வசூலின் நாயகன் அல்லு அர்ஜுன்! சொத்து மதிப்பு தெரியுமா?

தெலுங்கு திரையுலகில் மிகவும் பிரபலமான ஹீரோ அல்லு அர்ஜுன்.
புஷ்பா படத்தின் மூலம், அவர் உலகளவில் புகழ் பெற்றார்.

முதல் பாகம் மாபெரும் வெற்றியடைந்ததைத் தொடர்ந்து, புஷ்பா 2 ரூ. 1800 கோடிக்கு மேல் வசூல் செய்துள்ளது. இதை படக்குழுவே அதிகாரப்பூர்வமாக அறிவித்துள்ளது.

இந்த வெற்றிக்கு பிறகு, அவர் அடுத்ததாக இயக்குநர் அட்லீயுடன் கூட்டணி சேர்ந்து புதிய படத்தில் நடிக்க உள்ளார். இன்று அதற்கான அதிகாரப்பூர்வ அறிவிப்பு வெளியாகியுள்ளது. இதனால் ரசிகர்கள் மிகுந்த மகிழ்ச்சியில் உள்ளனர். இதே நாளில்,
அல்லு அர்ஜுனின் பிறந்த நாளும் கொண்டாடப்படுகிறது. இந்நிலையில், அவரது சொத்து மதிப்பு குறித்த தகவல்கள் வெளியாகியுள்ளன.

43-வது பிறந்த நாளை கொண்டாடும் அவர், ரூ. 460 கோடிக்கு மேல் சொத்து மதிப்பைக் கொண்டிருப்பதாக கூறப்படுகிறது.
புஷ்பா 2 படத்திற்காக மட்டுமே அவர் ரூ. 300 கோடி சம்பளம் பெற்றதாக தகவல்கள் வெளியாகியுள்ளன. மேலும், ஹைதராபாத்தில் உள்ள அவரது பிரம்மாண்ட வீட்டின் மதிப்பு, ரூ. 100 கோடி என கூறப்படுகிறது. ஆனால், இவை அனைத்தும் அதிகாரப்பூர்வமான தகவல்கள் அல்ல என்பது குறிப்பிடத்தக்கது.