அஜித் உடல் எடையை குறைத்தது எப்படி? வெளிவந்த சீக்ரெட்..

நடிகர் அஜித் குமார் தற்போது துபாயில் நடைபெறும் 24H ரேஸில் தனது டீம் உடன் பங்கேற்று வருகிறார். இந்த நிகழ்ச்சியில், அவர் தனது குழுவுடன் சேர்ந்து நேற்று நடைபெற்ற Qualification சுற்றில் 7வது இடத்தை பிடித்துள்ளார். இதில் கலந்துகொள்வதற்கான காரணமாக, அவர் உடல் எடையை குறைத்து மிகவும் ஸ்லிம்மாக மாறியிருக்கிறார் என்பது பற்றி ரசிகர்கள் மத்தியில் ஆர்வம் அதிகரித்துள்ளது.

பிரபல பத்திரிகையாளர் பிஸ்மி, அஜித் உடல் எடை குறைத்ததை பற்றி கூறியுள்ள விவரங்கள், தற்போது பெரும் கவனத்தை பெற்றுள்ளது. அவர் கூறியதாவது: “அஜித், கார் ரேஸில் கலந்து கொள்ள கடுமையான உடல் எடை குறைப்பு செயல் முறையை வகுத்தார். அது மூன்று மாதங்கள் முழுவதும் உணவு எதுவும் எடுத்துக்கொள்ளாமல், வெறும் வெந்நீர் மட்டுமே குடித்து வந்தார். அஜித், உடலுக்கு தேவையான ஊட்டச்சத்துகளை பெற்றுக்கொள்ள சில நேரங்களில் புரோட்டீன் பவுடர்களையும், வைட்டமின் மாத்திரைகளையும் பயன்படுத்தினார். இதனால் அவர் குறைந்த காலத்தில் மிகவும் ஸ்லிம்மாக மாறினார்” என அவர் தெரிவித்தார்.

இந்த தகவல், ரசிகர்களிடையே ஆர்வத்தை தூண்டும் வகையில் பரவி, அஜித் உடல் எடை குறைக்கும் முறைகள் பற்றிய கேள்விகளுக்கு விளக்கத்தை அளித்துள்ளது.