“3BHK” படம் இதுவரை எவ்வளவு வசூல் செய்துள்ளது தெரியுமா? இதோ முழு விவரம்..

தமிழ் சினிமாவில் 8 தோட்டாக்கள் படத்தின் மூலம் இயக்குநராக அறிமுகமானவர் ஸ்ரீகணேஷ். தனது முதல் படத்திலேயே விமர்சன ரீதியாகவும், மக்களிடையிலும் நல்ல வரவேற்பைப் பெற்றார். அதன் பிறகு, அவருடைய இயக்கத்தில் வெளிவந்த படம் குருதி ஆட்டம். ஆனால், இந்த படம் எதிர்பார்த்த வெற்றியை பெறாமல், பரம தோல்வியை சந்தித்தது.

இந்த நிலைமைக்கு பின்னர் ஸ்ரீகணேஷ் இயக்கத்தில் உருவாகி, தற்போது வெளியான திரைப்படம்தான் 3BHK. யதார்த்தமான கதைக்களத்தில் அமைந்த இப்படத்தில் சித்தார்த், சரத்குமார், தேவயானி மற்றும் மீதா ரகுநாத் முக்கிய கதாபாத்திரங்களில் நடித்துள்ளனர். 3BHK திரைப்படம் வெளியான நாளிலிருந்து விமர்சன ரீதியாக சிறந்த வரவேற்பைப் பெற்றுள்ளது. சிறந்த கதைக்கூறும் முறை, நடிப்புத்திறன் மற்றும் தயாரிப்பு தரம் ஆகியவை பெரிதும் பாராட்டப்பட்டுள்ளன.

இந்த நிலையில், தற்போது வெளியாகியுள்ள தகவலின்படி, 3BHK திரைப்படம் வெளியான 11 நாட்களுக்குள் உலகளவில் ரூ.14 கோடி வரை வசூல் செய்துள்ளதாகத் தெரிவிக்கப்பட்டுள்ளது. மீதமுள்ள நாட்களில் இப்படத்தின் வசூல் மேலும் அதிகரிக்குமா என்பதை பொறுத்திருந்து பார்க்க வேண்டும்.