ராட்சசன் கூட்டணி, மீண்டும் மின்னுவதற்கு தயாராகிய விஷ்ணு விஷால்

Vishnu Vishal: 2018-ஆம் ஆண்டு, விஷ்ணு விஷால், அமலா பால், காளி வெங்கட் மற்றும் அம்மு அபிராமி நடித்த ‘ராட்சசன்’ திரைப்படம் இயக்குநர் ராம் குமார் தலைமையில் வெளிவந்து, பெரும் வரவேற்பைப் பெற்றது. அந்த வெற்றிக்குப் பிறகு, தற்போது மீண்டும் இந்த கூட்டணியில் உருவாகியுள்ளது ‘இரண்டு வானம்’ திரைப்படம்.

இந்தப் புதிய படத்தில் கதாநாயகியாக மமிதா பைஜூ நடித்திருக்கிறார். படம் சத்யஜோதி பிலிம்ஸ் நிறுவனத்தால் தயாரிக்கப்பட்டுள்ளது. இது ஒரு ஃபேண்டசி ரொமான்டிக் திரைப்படமாக உருவாகி வருகிறது. இசையமைப்பாளர் திபு நினன் தாமஸ் பாட்டுகளுக்கு இசையமைத்துள்ளார்.

படப்பிடிப்பு பணிகள் 150 நாட்கள் முழுமையாக நடைபெற்று முடிவடைந்து, தற்போது இறுதிக்கட்ட பணிகள் நடைபெற்று வருகின்றன. இந்த நிலையில், நடிகர் விஷ்ணு விஷால் கூறுகையில்’இரண்டு வானம்’ எனக்கு மிகவும் முக்கியமான படம். இது மிக நீண்ட காலமாக பணியாற்றிய ஒரு ப்ராஜெக்ட். 2026 பிப்ரவரியில் இப்படம் திரைக்கு வரும் வாய்ப்பு உள்ளது.

மேலும், இதைத் தொடர்ந்து அவர் பல திட்டங்களில் பிஸியாக இருப்பதாகவும் கூறினார். அதில் கட்டா குஸ்தி 2,
இயக்குநர் அருண்ராஜா காமராஜ் உடன் ஒரு படம், பேச்சுலர் இயக்குநருடன் ஒரு புதிய படம் மேலும் அவரது 25-வது படம் குறித்தும் பேச்சுவார்த்தை நடைபெற்று வருகிறது.